Demir Barlas
Open a passage to bookmark it.
Saved in this browser.موندین ارا قونوب بساور بیله چوسه نینک ارالیقیداغی تاغ نینک تومشوقیدا واقع بولغان چشمه غه توشوب شامیانه لار تیکتوروب معجون ارتکاب قیلدوق
Mundin ora qo‘nub Busovar bila Chavsaning oroliqidag‘i tog‘ning tumshuqida voqi‘ bo‘lg‘on chashmag‘a tushub shomyonalar tikturub ma‘jun irtikob qilduq.
Buradan bir ara konak yapıp Busavar ile Çavsa arasındaki dağın çıkıntısında bulunan çeşmeye indik; gölgelikler kurdurup macun yedik.
چریک موندین اوتارده توردی بیک خاکسار بو چشمه نی تعریف قیلیب ایدی
Cherik mundin o‘tarda Turdi Beg Xoksor bu chashmani ta‘rif qilib edi.
Ordu buradan geçerken Turdu Bey Haksar bu çeşmeyi övmüştü.
کیلیب سر اسبگی سیر قیلیب اوتولوب ایدی طور چشمه واقع بولوبتور هندوستاندا کیم اقار سو هرگز بولماس چشمه خود نی تیلار احیانا چشمه هم کیم بار یردین زه سوی دیک سیزیب چیقار اول یرلارنینک چشمه لری دیک قاتیب چیقماس بو چشمه نینک سوی یاریم تیکیرمان سویغه یاوشور تاغ نینک دامنه سیدین قاتیب چیقادور
Kelib sar-asbagi sayr qilib o‘tulub edi. Tavr chashma voqi‘ bo‘lubtur. Hindustonda, kim oqar su hargiz bo‘lmas, chashma xud ne tilar? Ahyonan chashma ham kim bor yerdin zih suyi dek sizib chiqar. Ul yerlarning chashmalari dek qotib chiqmas. Bu chashmaning suyi yarim tegirman suyig‘a yovushur. Tog‘ning domanasidin qotib chiqadur.
Gelip at üstünde gezerek geçmiştik. Güzel bir çeşmeymiş. Hindistan’da, hiç akarsu bulunmazken çeşme ne arar? Tek tük bulunan çeşmeler de yerden sızıntı suyu gibi sızar; öteki ülkelerin çeşmeleri gibi fışkırmaz. Bu çeşmenin suyu yarım değirmen işletecek suya yaklaşır. Dağın eteğinden fışkırır.
اطرافی تمام اولنک خیلی خوش کیلدی بیوردوم کیم بو چشمه نینک اوستیده سنک تراشیده بیله مثمن حوض قیلغای لار چشمه یاقاسیدا معجونناکلقدا توردی بیک هر زمان مباهات بیله تکرار قیلادور ایدی کیم چون جای خوش کرده ام نامی میباید ماند عبدالله دیدی کیم چشمه بادشاهی توردی بیک خوش کرده دیمک کیراک بو سوزی خیلی باعث ضحک و بشاشت بولدی
Atrofi tamom o‘lang, xayli xush keldi. Buyurdum kim bu chashmaning ustida sangtaroshida bila musamman havz qilg‘oylar. Chashma yoqasida ma‘junnokliqda Turdi Beg har zamon mubohot bila takror qiladur edi kim: «Chun joy xush karda-am, nomi meboyad mond.» Abdulloh dedi kim: «Chashma-i podshohi-i Turdi Beg xush karda» demak kerak. Bu so‘zi xayli bois-i zahk-u bashoshat bo‘ldi.
Çevresi baştan başa çayırdır; çok hoşuma gitti. Çeşmenin başında yontma taştan sekizgen bir havuz yapmalarını emrettim. Çeşmenin kıyısında macun etkisindeyken Turdu Bey övünerek durmadan şöyle diyordu: “Madem bir yeri beğen-dim, bir ad bırakmak gerekir.” Abdullah, “Turdu Bey’in beğendiği padişah çeşmesi demek gerekir” dedi. Bu söz epey gülüşmeye ve neşeye yol açtı.
دوست ایشیک اقا بیانه دین بو چشمه باشیدا کیلیب ملازمت قیلدی بو یردین ینه باریب بیانه نی سیر قیلیب سیکری کیلیب بیورولغان باغ نینک یانیدا توشولوب ایکی کون توروب باغنی اهتمام قیلیب پنجشنبه سحری رجب ای نینک ییکیرمه اوچیده اگرا غه کیلدیم چندوار و راپری نی نیچوک کیم مذکور بولدی مخالفلار بو غوغادا متصرف بولوب ایدیلار محمد علی جنگ جنگ نی توردی بیک قوچ بیک نی عبدالملک نی حسین خان نی دریاخانی لاری بیله چندوار و راپری اوستیکه ییباریلدی
Do‘st Eshik Oqo Bayonadin bu chashma boshida kelib mulozamat qildi. Bu yerdin yana borib Bayonani sayr qilib Sikri kelib buyurulg‘on bog‘ning yonida tushulub Ikki kun turub bog‘ni ihtimom qilib panjshanba sahari Rajab oyining yigirma uchida Agrag‘a keldim. Chandvor va Roprini, nechuk kim mazkur bo‘ldi, muxoliflar bu g‘avg‘oda mutasarrif bo‘lub edilar. Muhammad Ali Jang Jangni, Turdi Beg-i Qo‘ch Begni, Abdulmalik-ni, Husayn Xonni Daryoxoniylari bila Chandvor va Ropri ustiga yiborildi.
Dost Eşik Ağa Beyane’den gelip bu çeşmenin başında huzura çıktı. Buradan yeniden yola çıkıp Beyane’yi gezdik, Sikri’ye gelip yapılmasını emrettiğim bahçenin yanında konakladık. İki gün kalıp bahçeyle ilgilendikten sonra perşembe sabahı, recebin yirmi üçünde Agra’ya geldim. Daha önce belirtildiği gibi bu kargaşada düşmanlar Çendvar ile Rapri’yi ele geçirmişlerdi. Muhammed Ali Ceng Ceng, Koç Bey ile anılan Turdu Bey, Abdülmelik ve Hüseyin Han, Deryahanlılarıyla birlikte Çendvar ve Rapri üzerine gönderildi.
Open a passage for notes, comparisons and a link to the text.