Demir Barlas
Open a passage to bookmark it.
Saved in this browser.اوردودین اتلاندیم اول کونی پیروزپورنی و چشمه سینی سیر قیلیب معجون ییلدی
Ordudin atlandim. Ul kuni Piruzpurni va chashmasini sayr qilib ma‘jun yeyildi.
Ordugâhtan hareket ettim. O gün Piruzpur’u ve çeşmesini gezip macun yedik.
چشمه سوی کیلور دره ده تمام کنیر گللری اچیلیبتور خیلی از صفا ایماس اگرچه تعریف قیلغانچه ایماس اوشبو دره نینک ایچیده بیر یرده کیم سو کینکراک بولوب ایدی بیوردوم کیم تاشلارینی تراش قیلیب ده در ده قیلغای لار اول کیچه اوشول دره ده بولوب تنکلاسی اتلانیب باریب کوتله کولینی سیر قیلدیم بیر یانی تاغ نینک دامنه سی واقع بولوبتور مانسنی سوی بو کولکه کیرار ایمیش خیلی اولوغ کول بو یاقاسیدین اول یاقاسینی یخشی کورونمای دور کول نینک اورتاسیدا بیر بلندی واقع بولوبتور کول نینک اطرافیدا کیچیک کیمه کینه لار خیلی بار اطرافیداغی کینتلیک ایل شور و غوغادا بو کیمه لارغا کیریب اوزلارینی قوتقارورلار ایمیش بیز یتکاندا هم بیر پاره کیشی کیمه گا
Chashma suyi kelur darada tamom kanir gullari ochilibtur. Xayli oz safo emas, agarchi ta‘rif qilg‘oncha emas. Ushbu daraning ichida bir yerda kim su kengrak bo‘lub edi, buyurdum kim toshlarini tarosh qilib dah-dar-dah qilg‘oylar. Ul kecha ushul darada bo‘lub, tonglasi atlanib borib Kutla ko‘lini sayr qildim. Bir yoni tog‘ning domanasi voqi‘ bo‘lubtur. Monasni suyi bu ko‘lga kirar emish. Xayli ulug‘ ko‘l, bu yoqasidin ul yoqasini yaxshi ko‘runmaydur. Ko‘lning o‘rtasida bir balandi voqi‘ bo‘lubtur. Ko‘lning atrofida kichik kemakinalar xayli bor. Atrofidag‘i kentlik el sho‘r-u g‘avg‘oda bu kema-larg‘a kirib o‘zlarini qutqarurlar emish. Biz yetkanda ham bir pora kishi kemaga
Çeşme suyunun geldiği derede bütün zakkumlar açmıştı. Övüldüğü kadar olmasa da azımsanmayacak bir güzelliği vardı. Bu derede suyun genişlediği bir yerde emrettim: Taşları yontup ona on bir havuz yapsınlar. O gece derede kalıp ertesi gün hareket ederek Kutla gölünü gezdim. Bir yanı dağın eteğindedir. Manasni suyu bu göle dökülürmüş. Çok büyük bir göldür; bir kıyısından öteki kıyısı iyice görünmez. Ortasında bir yükselti vardır. Gölün çevresinde çok sayıda küçük kayık vardır. Çevredeki köylüler kargaşa sırasında bu kayık-lara binerek canlarını kurtarırlarmış. Biz vardığımızda da bazı kimseler kayığa
کیریب کول نینک ایچیگا باردیلار کولنی سیر قیلیب کیلیب همایون نینک اوردوسیغه توشولدی اندا استراحت قیلیب طعام ییب میرزا غه و بیگلاریکه خلعت لار کییدوروب نماز خفتندا همایون نی وداع قیلیب اتلانیب یولدا بیر یرده اویوقلاب اندین اتلانیب تنک اتقاندا کهری پرگنه سیدین اوتوب ینه انداک اویوقلاب اوردوغه کیم توده دا توشوب ایدی کیللدی توده دین کوچوب سونکره گا توشکاندا حسن خان میواتی نینک اوغلی ناهر خان کیم عبدالرحیم غه تاپشورولوب ایدی قاچتی
kirib ko‘lning ichiga bordilar. Ko‘lni sayr qilib kelib Humoyunning o‘rdusig‘a tushuldi. Anda istirohat qilib taom yeb Mirzog‘a va beglariga xil‘atlar kiydurub namozi xuftanda Humoyunni vado‘ qilib atlanib yo‘lda bir yerda uyuqlab andin atlanib tong otqonda Kuhri parganasidin o‘tub yana andoq uyuqlab o‘rdug‘a kim Tuda’da tushub edi, kelildi. Tuda’din ko‘chub Sungarhga tushkanda Hasan Xon Mevotiyning o‘g‘li Nohar Xon, kim Abdurrahimg‘a topshurulub edi, qochti.
binip gölün içine açıldılar. Gölü gezdikten sonra Hümayun’un ordugâhına indik. Orada dinlenip yemek yedik; Mirza’ya ve beylerine hilatler giydirerek yatsı vakti Hümayun’la vedalaşıp yola çıktık. Yolda bir yerde uyuyup sonra hareket ettik; tan ağarırken Kuhri bölgesinden geçip biraz daha uyuduktan sonra ordugâha, Tuda’da kurulmuş olan konak yerine geldik. Tuda’dan göçüp Sungarh’a indiğimizde Hasan Han Mevati’nin, Abdurrahim’e teslim edilmiş olan oğlu Nahar Han kaçtı.
Open a passage for notes, comparisons and a link to the text.