Read Babur’s memoirs in Chagatay, with a Latin transcription and Turkish translation.
English and facsimiles: not yet available.
بی حد سیمیز بولور انداق روایت قیلدیلار کیم بر قیرغاولنی اشکنه سی بیله تورت
bihadd semiz bo‘lur. Andoq rivoyat qildilar kim bir qirg‘ovulni ishkanasi bila to‘rt
son derece semiz olur. Anlattıklarına göre bir sülünü, yemek suyuyla birlikte, dört
کشی ییب توکاتا المایدور ایلی ترک دور شهری و بازاری سیده ترکی
kishi yeyib tukata olmaydur. Eli turkdur. Shahri va bozorisida turkiy
kişi yiyip bitiremezmiş. Halkı Türktür. Şehrinde ve pazarında Türkçe
بیلماس کشی یوقتور ایلینک لفظی قلم بیله راست تور نی اوچون کیم میر علی شیر
bilmas kishi yo‘qtur. Elining lafzi qalam bila rosttur, ne uchun kim Mir Ali Sher
bilmeyen kimse yoktur. Halkının konuşması yazı diliyle uyuşur; çünkü Mir Ali Şir
نوایی نینک مصنفاتی باوجود کیم هری دا نشو و نما تاپیب تور بو تیل بیله دور ایلی
Navoiyning musannafoti, bovujud kim Harida nash’u namo topiptur, bu til biladur. Eli-
Nevâyî’nin eserleri, kendisi Herat’ta yetişmiş olmasına rağmen, bu dildedir. Halkı
نینک اراسیده حسن خیلی بار دور خواجه یوسف کیم موسیقی ده مشهور دور
ning orasida husn xeyli bordur. Xoja Yusuf kim musiqiyda mashhurdur,
arasında güzellik yaygındır. Musikide meşhur olan Hoca Yusuf
اندجانی دور هواسی نینک عفونتی بار کوزلار ایل بزکک کوپ بولور یینه
Andijoniydur. Havosining ufunati bor. Kuzlar el bezgak ko‘p bo‘lur. Yana
Andicanlıdır. Havası sağlıksızdır; güzleri halk arasında sıtma çok olur. Bir diğeri
بیر اوش قصبه سی دور اندجان نینک شرق جنوبی طرفی دور شرق قه مایل
bir O‘sh qasabasidur. Andijonning sharq-janubi tarafidur, sharqqa moyil.
Oş kasabasıdır. Andican’ın güneydoğusunda, daha çok doğu yönündedir.
اندجان دین تورت ییغاچ یول دور هواسی خوب اقار سویی فراوان
Andijondin to‘rt yig‘och yo‘ldur. Havosi xo‘b, oqar suyi farovon-
Andican’dan dört yığaçlık yoldur. Havası güzel, akarsuları
دور بهاری بسیار یخشی بولور اوش نینک فضیلتی ده خیلی احادیث وارد
dur. Bahori bisyor yaxshi bo‘lur. O‘shning fazilatida xeyli ahodis vorid-
boldur. Baharı pek güzel olur. Oş’un fazileti hakkında birçok hadis nakledilmiştir.
دور قورغانی نینک شرق جنوبی جانبی دا بیر موزون تاغ توشوب تور برا کوه غه
dur. Qo‘rg‘onining sharq-janubi jonibida bir mavzun tog‘ tushuptur, Baro Ko‘hg‘a
Kalesinin güneydoğusunda düzgün biçimli bir dağ yer alır; Bara Kuh diye
موسوم بو تاغ نینک قله سی ده سلطان محمود خان بیر حجره سالیب تور اول
mavsum. Bu tog‘ning qullasi-da Sulton Mahmud Xon bir hujra soliptur. Ul
anılır. Bu dağın tepesinde Sultan Mahmud Han bir hücre yaptırmıştır. O
حجره سیدین قویراق اوشبو تاغ نینک تومشوقیده تاریخ توقوز یوز
hujrasidin quyiroq ushbu tog‘ning tumshuqida, tarix to‘quz yuz
hücresinden daha aşağıda, bu dağın çıkıntısında, dokuz yüz
ایکی دا مین بیر ایوانلیغ حجره سالدیم اگرچه اول حجره موندین مرتفع دور ولی
ikkida men bir ayvonlig‘ hujra soldim. Agarchi ul hujra mundin murtafi’dur, vale
iki tarihinde ben eyvanlı bir hücre yaptırdım. Gerçi o hücre bundan daha yüksektir, fakat
بو حجره بسیار یخشیراق واقع بولوب تور تمام شهر و محلات ایاق استیده
bu hujra bisyor yaxshiroq voqe’ bo‘luptur. Tamom shahr va mahallot oyoq ostida.
bu hücrenin konumu çok daha iyidir. Bütün şehir ve mahalleler ayak altındadır.