Page 208 of 762
Languages
For passage 208.1 only.
ColumnsLanguages
Chagatay
بولدیلار مینینک بیله بولغان اوچ کیشی دیدیلار کیم قارانغو کیچه یاغی نینک کوپی آزی معلوم
Latin transcription
bo‘ldilar. Mening bila bo‘lg‘on uch kishi dedilar kim: «Qorong‘u kecha, yog‘ining ko‘pi ozi ma’lum-
Turkish
oldular. Yanımdaki üç kişi, “Karanlık gece; düşmanın azlığı çokluğu belli
Languages
For passage 208.2 only.
ColumnsLanguages
Chagatay
و مشخص ایماس بولغان چریک ایلی تمام کیتتیلار بیز تورت کیشی دین نی مقدار متضرر
Latin transcription
u mushaxxas emas. Bo‘lg‘on cherik eli tamom kettilar. Biz to‘rt kishidin ne miqdor mutazarrir
Turkish
değil. Bütün askerler gitti. Biz dört kişi onlara ne kadar zarar
Languages
For passage 208.3 only.
ColumnsLanguages
Chagatay
بولغایلار باریب بو دارینغان ایلکه یتیب اوروشماق کیراک قطراب ایلکه یتیب اوروب
Latin transcription
bo‘lg‘aylar? Borib bu doring‘on elga yetib urushmoq kerak». Qatrab elga yetib urub
Turkish
verebiliriz? Gidip bu saldırıya uğrayanlara yetişerek savaşmalıyız” dediler. Dörtnala adamlarımıza yetişip vurarak,
Languages
For passage 208.4 only.
ColumnsLanguages
Chagatay
قامچیلاب هرچند قیلیب ایل ییغیلمادی ینه بو تورت کیشی بیله یانیب اوق قویدوق آزراقچه
Latin transcription
qamchilab harchand qilib el yig‘ilmadi. Yana bu to‘rt kishi bila yonib o‘q qo‘yduq. Ozroqcha
Turkish
kamçılayarak ne kadar uğraşsak da onları toparlayamadık. Yine bu dört kişi dönüp ok attık. Biraz
Languages
For passage 208.5 only.
ColumnsLanguages
Chagatay
توختادیلار چون بیر ایکی نوبت کوردیلار بیز اوچ تورت کیشی بیش ایماس بیز ینه ایلنی قاولاقه
Latin transcription
to‘xtadilar. Chun bir iki navbat ko‘rdilar, biz uch to‘rt kishi, besh emas biz, yana elni qavlog‘a
Turkish
durdular. Bir iki kez görünce üç dört kişi olduğumuzu, beş bile olmadığımızı anladılar; yine adamlarımızı kovalamaya,
Languages
For passage 208.6 only.
ColumnsLanguages
Chagatay
یتوشورماککه مشغول بولدیلار اوشبو دستور بیله اوچ تورت قتله باریب ایلنی تیدیم
Latin transcription
yetushurmakka mashg‘ul bo‘ldilar. Ushbu dastur bila uch to‘rt qatla borib elni tiydim.
Turkish
yakalayıp vurmaya koyuldular. Böylece üç dört kez gidip adamlarımızı durdurmaya çalıştım.
Languages
For passage 208.7 only.
ColumnsLanguages
Chagatay
ایل تییلماغاچ ینه اوشبو اوچ کیشی بیله یانیب اوق قویوب غنیمنی یاندوردوم ایکی اوچ
Latin transcription
El tiyilmag‘och yana ushbu uch kishi bila yonib o‘q qo‘yub g‘animni yondurdum. Iki uch
Turkish
Durmayınca yine bu üç kişiyle dönüp ok atarak düşmanı geri çevirdim. İki üç
Languages
For passage 208.8 only.
ColumnsLanguages
Chagatay
کروه کاچه ایلنی خرابوک و پیشامون نینک روبروسی داغی پشته کاچه قاولای کیلدیلار پشته
Latin transcription
kuro‘hgacha elni Xarobuk va Pishomunning ro‘baro‘yidag‘i pushtagacha qavlay keldilar. Pushta-
Turkish
kürûh boyunca, Harabuk ve Pişamun karşısındaki tepeye kadar adamlarımızı kovaladılar. Tepeye
Languages
For passage 208.9 only.
ColumnsLanguages
Chagatay
غه یتکنده محمد علی مبشر اوچرادی مین دیدیم کیم بو آز کیشی دور توروب آت سالالینک توروب
Latin transcription
g‘a yetkanda Muhammad Ali Mubashshir uchradi. Men dedim kim: «Bu oz kishidur, turub ot sololing». Turub
Turkish
varınca Muhammed Ali Mübeşşir’e rastladım. “Bunlar az kişi; durup hücum edelim” dedim. Durup
Languages
For passage 208.10 only.
ColumnsLanguages
Chagatay
آت سالدوق ایریشه توروب قالدیلار پریشان بولغان ایل اول طرف دین بو طرف دین
Latin transcription
ot solduq. Erisha turub qoldilar. Parishon bo‘lg‘on el ul tarafdin bu tarafdin
Turkish
hücum ettik. Karşımızda durakladılar. Dağılan adamlarımız oradan buradan
Languages
For passage 208.11 only.
ColumnsLanguages
Chagatay
ییغیلیب کیلدیلار بعضی آبادان ییکیت لار اوشبو دارینغان بیله راست اوشقه باریبتورلار بو
Latin transcription
yig‘ilib keldilar. Ba’zi obodon yigitlar ushbu doring‘on bila rost O‘shqa boribturlar. Bu
Turkish
toplanıp geldiler. Bazı iyi yiğitler bu saldırı üzerine doğruca Oş’a gitmişlerdi. Bu
Languages
For passage 208.12 only.
ColumnsLanguages
Chagatay
کیفیت مونداق ایکاندور کیم ایوب بیکچیک نینک تومنیدین بیر نیچه مغول اوش
Latin transcription
kayfiyyat mundoq ekandur kim Ayyub Begchikning tumanidin bir necha Mo‘g‘ul O‘sh-
Turkish
olayın aslı şöyleymiş: Eyyüb Begçik’in tümeninden birkaç Moğol Oş’tan
Languages
For passage 208.13 only.
ColumnsLanguages
Chagatay
دین بیزدین آییریلیب قراقلیققه اندیجان نینک کیردیکه کیلکان ایکاندورلار بیزنیک چریک نینک
Latin transcription
din bizdin ayrilib qaroqliqqa Andijonning girdiga kelgan ekandurlar. Bizning cherikning
Turkish
ayrılıp Endican çevresine yağmaya gelmişler. Bizim ordunun
Languages
For passage 208.14 only.
ColumnsLanguages
Chagatay
غوغاسین ایشیتیب اینچکالیک بیله ایلکاریراک کیلیب اورانداشورلار بو اوران ایکی نوع بولور
Latin transcription
g‘avg‘osin eshitib inchkalik bila ilgarirak kelib urondoshurlar. Bu uron ikki nav’ bo‘lur.
Turkish
gürültüsünü duyunca gizlice ilerleyerek parola sormuşlar. Bu parola iki türlü olur.
Open a passage for notes, comparisons and a link to the text.