✺Baburname

O‘g‘lonlardin hechkim tama’ qilmag‘aysiz.

Yana Hindolni tilab edim.

Yana Komrong‘a shahzoda bila yaxshi omad-u raft ri’oyat qilmoqlig‘i va Multon viloyatini o‘ziga inoyat qilmoqlig‘i va Kobil viloyatining xolisa bo‘luri ko‘ch va uruqning kelurini bitilib edi.

Yana ba’zi kayfiyot Xoja Kalong‘a bitigan xattin ma’lum bo‘lur uchun ushal xatning savodini bi-tafovut bitildi.

Xoja Kalong‘a salom degach so‘z ul kim Shamsuddin Muhammad Etovada keldi.

Kayfiyatlar ma’lum bo‘ldi.

Bizning ehtimomimiz ul sorilar bormoqqa bi-hadd-u bi-g‘oyattur.

Hinduston ishlari ham bir nav’ somon topib keladur.

Tengri taolodin umid andoqdur kim bu oraning ishi Tengri taolo inoyati bila bat saranjom topg‘ay.

Bu ish zabtidin so‘ng bi-tavaqquf Tengri yetkursa mutavajjih bo‘lg‘umdur.

Ul viloyatlarning latofatlarini kishi nechuk unutqay?

Alo-l-xusus mundoq toyib-u torik bo‘lg‘onda qovun va uzumdek mashru’ hazzni kishi ne tavr xotirdin chiqorg‘ay?

Bu fursatta bir qovun kelturub edilar.

Kesib yegach g‘arib ta’sir qildi.

Tamom yig‘lab yedim.

Kobilning nomarbutlug‘ini bitilib edi.