Page 373 of 762
Languages
For passage 373.1 only.
ColumnsLanguages
Chagatay
ایدیلر اول مجلسدا بار ایدیلر کیفیت بولغاندا میر بدر رقص قیلدی خوب رقص قیلدی
Latin transcription
edilar. Ol majlisda bor edilar. Kayfiyat bo‘lg‘onda Mir Badr raqs qildi. Xub raqs qildi.
Turkish
oradaydılar. O mecliste bulunuyorlardı. İçkinin etkisiyle Mir Bedir dans etti. Güzel dans etti.
Languages
For passage 373.2 only.
ColumnsLanguages
Chagatay
غالبا اول نوع رقص میر بدر نینک اختراعی دور میرزالار هری دین چیقیب اتفاق قیلیب
Latin transcription
G‘olibo ul nav’ raqs Mir Badrning ixtiro‘idur. Mirzolar Heriydin chiqib ittifoq qilib
Turkish
Galiba bu çeşit dans Mir Bedir’in buluşuydu. Mirzalar Herat’tan çıkıp anlaşarak
Languages
For passage 373.3 only.
ColumnsLanguages
Chagatay
ییغیلیب مرغاب قه کیلکونچه اوچ تورت آی بولدی سلطان قلی چناق بی تنک کیلیب بلخ قلعه سینی
Latin transcription
yig‘ilib Murg‘obqa kelguncha uch to‘rt oy bo‘ldi. Sulton Quli Chanoq bi-tang kelib Balx qal’asini
Turkish
bir araya gelerek Murgab’a ulaşıncaya kadar üç dört ay geçti. Sultan Kulı Çanak sıkışıp Belh Kalesi’ni
Languages
For passage 373.4 only.
ColumnsLanguages
Chagatay
اوزبک که بیردی اوزبک بلخ نی آلغاندین سونک بو جمعیت نینک استماعی دین سمرقند غه
Latin transcription
O‘zbekka berdi. O‘zbek Balxni olg‘ondin so‘ng bu jam’iyatning istimo‘idin Samarqandg‘a
Turkish
Özbeklere verdi. Özbekler Belh’i aldıktan sonra bu toplanmayı duyunca Semerkant’a
Languages
For passage 373.5 only.
ColumnsLanguages
Chagatay
مراجعت قیلدی بو میرزالار اگرچه صحبت و صحبت آرایلیقدا و اختلاط و آمیزشدا طوری
Latin transcription
muroja’at qildi. Bu mirzolar, agarchi suhbat va suhbat oroyliqta va ixtilot-u omizishda tavri
Turkish
döndüler. Bu mirzalar sohbet etmekte, meclis düzenlemekte ve insanlarla kaynaşmakta oldukça iyi
Languages
For passage 373.6 only.
ColumnsLanguages
Chagatay
ایدیلر ولی سپاهیلیق ریو و رنگیدین یراق و مردانلیق جنگ و جدلدین قیراق ایدیلر
Latin transcription
edilar, vale sipohiliq rev-u rangidin yiroq va mardonaliq jang-u jadaldin qiroq edilar.
Turkish
olsalar da askerlik işlerinden uzak, yiğitçe savaşmaktan kenardaydılar.
Languages
For passage 373.7 only.
ColumnsLanguages
Chagatay
مرغاب دا اولتورغان محلالردا خبر کیلدی کیم حق نظر چپا تورت بیش یوز کیشی
Latin transcription
Murg‘obda olturg‘on mahallarda xabar keldi kim Haqnazar Chipo to‘rt besh yuz kishi
Turkish
Murgab’da bulunduğumuz sırada Haknazar Çıpa’nın dört beş yüz adamla
Languages
For passage 373.8 only.
ColumnsLanguages
Chagatay
بیله کیلیب چیچکتو نواحی سینی چاپتی بارچه میرزالار حاضر بولوب هر نیچه قیلیب بو چاپقونچی
Latin transcription
bila kelib Chichaktu navohisini chopti. Borcha mirzolar hozir bo‘lub har necha qilib bu chopqunchi
Turkish
gelip Çiçektu çevresini yağmaladığı haberi geldi. Bütün mirzalar hazır olduğu hâlde ne yaptılarsa bu akıncının
Languages
For passage 373.9 only.
ColumnsLanguages
Chagatay
نینک اوستیگه ایلغار آیرا آلمادیلار مرغاب بیله و چیچکتو نینک آراسی اون ییغاچ
Latin transcription
ning ustiga ilg‘or ayira olmadilar. Murg‘ob bila va Chichaktuning orasi o‘n yig‘och
Turkish
üzerine bir öncü birlik gönderemediler. Murgab ile Çiçektu arası on yığaçlık
Languages
For passage 373.10 only.
ColumnsLanguages
Chagatay
یولدور بو ایشنی مین تیلادیم ناموس قیلیب منکا هم رخصت بیرمادیلار چون شیباق
Latin transcription
yo‘ldur. Bu ishni men tiladim. Nomus qilib manga ham ruxsat bermadilar. Chun Shayboq
Turkish
yoldur. Bu işi ben üstlenmek istedim. Gururlarına yediremeyip bana da izin vermediler. Şeybak
Languages
For passage 373.11 only.
ColumnsLanguages
Chagatay
خان یاندی ییل هم کیچ بولوب ایدی انداق قرار تاپتی کیم بو قیش میرزالار هر
Latin transcription
Xon yondi, yil ham kech bo‘lub edi, andoq qaror topti kim bu qish mirzolar har
Turkish
Han dönmüştü; mevsim de ilerlemişti. Bu yüzden mirzaların bu kışı her
Languages
For passage 373.12 only.
ColumnsLanguages
Chagatay
قایسی بر مناسب یردا قیشلاق ایرته یاز جمعیت غنیم دفعیغه متوجه بولغای لار منکا
Latin transcription
qaysi bir munosib yerda qishloq, erta yoz jam’iyat g‘anim daf’ig‘a mutavajjih bo‘lg‘oylar. Manga
Turkish
biri uygun bir yerde geçirip ilkbaharın başında birleşerek düşmana yönelmelerine karar verildi. Bana
Languages
For passage 373.13 only.
ColumnsLanguages
Chagatay
هم خراسان نواحیسیدا قیشلاق تکلیفی قیلدیلار چون کابل و غزنی پر شر و شور یرلر
Latin transcription
ham Xuroson navohisida qishloq taklifi qildilar. Chun Kobul va G‘azni pur-shar-u sho‘r yerlar
Turkish
da Horasan çevresinde kışlamayı önerdiler. Ancak Kâbil ve Gazne karışıklık ve kargaşayla dolu yerlerdi;
Languages
For passage 373.14 only.
ColumnsLanguages
Chagatay
ایدی ترک و مغول دین و ایماق و احشام دین و افغان و هزاره دین مختلف ایل و اولوس
Latin transcription
edi, Turk va Mo‘g‘uldin va aymoq-u ahshomdin va Afg‘on va Hazoradin muxtalif el-u ulus
Turkish
Türklerden, Moğollardan, çeşitli aşiret ve topluluklardan, Afganlardan ve Hezârelerden türlü halklar
Open a passage for notes, comparisons and a link to the text.