✺Baburname

Yana G‘iyosuddin Qurchini yigirma kunluk mi’od bila Purab umarosig‘a farmonlar bitib chopturuldi kim bori salotin-u xavonin-u umaro kim Gang suyining nori yuzida turarlar, Askariyning qoshig‘a yig‘ilib bu yog‘ilarning ustida yurugaylar.

Bu farmonlarni yetkurub har ne anda bo‘lg‘on xabarni topib olib mi’odqa yeta kelgay.

Ushbu ayyomda Muhammadi Ko‘kaldoshdin arzadosht keldi kim Baluch yana kelib ba’zi yerlarni chopti.

Bu maslahat uchun Chin Temur Sultonni ta’yin qilildi kim Sihrind-u Samonadin noriqi beglar, misl-i Odil Sulton, Sulton Muhammad Do‘ldoy, Xusrav Ko‘kaldosh, Muhammad Ali Jang Jang, Abdulaziz Miroxur, Sayyid Ali, Voliy Qizil, Qaracha, Halohil, Oshiq Bakovul, Shayx Ali, Keka, Gajur Xon, Hasan Ali Savodiy boshlig‘lar sulton qoshig‘a yig‘ilib olti oyliq yarog‘ bila Baluch ustiga yurugaylar.

Sultonning chor-u yasog‘ig‘a hozir bo‘lub yo‘lluq to‘ralik so‘zidin chiqmag‘aylar.

Bu farmonni yetkurgali Abdulg‘affor Tavochi ta’yin bo‘ldi.

Andoq muqarrar bo‘ldi kim avval Chin Temur Sultong‘a bu farmonlarni yetkurgay.

Andin o‘tub mazkur bo‘lg‘on beglarga farmonni ko‘rsatib ne yerda kim Chin Temur Sulton mo‘ljor qilg‘on bo‘lsa borchani cheriki bila anda hozir qilg‘ay.