Chagatay
آغیز سوزلری بو بولدی کیم ضربزن و ارابه و تفک اوروش اسباب و آلاتیدور
Latin transcription
Og‘iz so‘zlari bu bo‘ldi kim zarbzan va aroba va tufak urush asbob u olotidur.
Turkish
Sözlü haber şuydu: Top, araba ve tüfek savaş araçlarıdır.
ColumnsLanguages
Text views
Bookmarks (0)
Open a passage to bookmark it.
Saved in this browser.Manuscript folio 350b
Choose languages
Page 699 of 762
Chagatay
بولار تیار بولغونچه اوزومیزدین ایلگاریراک عسکرینی ییباریلدی
Latin transcription
Bular tayyor bo‘lg‘uncha o‘zimizdin ilgarirak Askariyni yiborildi.
Turkish
Bunlar hazırlanıncaya kadar bizden önce Askerî gönderildi.
Chagatay
گنگ نینگ ناری یوزیده کی جمیع سلاطین و امراغه فرمان بولدی کیم عسکری قاشیغه ییغیلیب هر ساریغه صلاح دولت بولسه تنگری عنایتی بیله متوجه بولغای
Latin transcription
Gangning nori yuzidagi jami’ salotin va umarog‘a farmon bo‘ldi kim Askariy qoshig‘a yig‘ilib har sorig‘a saloh-i davlat bo‘lsa Tangri inoyati bila mutavajjih bo‘lg‘ay.
Turkish
Ganj’ın ötesindeki bütün sultanlara ve beylere Askerî’nin yanında toplanıp devletin yararına olacak yöne Tanrı’nın yardımıyla yürümeleri emredildi.
Chagatay
انداغی دولتخواه لار بیله مشورت قیلینگ
Latin transcription
Andog‘i davlatxohlar bila mashvarat qiling.
Turkish
Oradaki devlet dostlarıyla danış-ın.
Chagatay
اگر منگا احتیاجلیق ایش بولسه اوشبو میعاد بیله بارغان کیشی کیلگاچ اوق بی توقف انشا الله تعالی اتلانغومدور
Latin transcription
Agar manga ehtiyojliq ish bo‘lsa ushbu mi’od bila borg‘on kishi kelgach o‘q betavaqquf inshoalloh taolo otlang‘umdur.
Turkish
Bana ihtiyaç duyulan bir iş varsa bu süreyle giden adam gelir gelmez durmaksızın inşallah yola çıkacağım.
Chagatay
اگر بنگالی یکجهتلیق و اخلاص مقامیده بولسه و اول اراده منگا احتیاج بولغودیک ایشی بولماسه انی هم شرح بیله عرضداشت قیلینگ
Latin transcription
Agar Bangoliy yakjihatliq va ixlos maqomida bo‘lsa va ul aroda manga ehtiyoj bo‘lg‘udek ishi bo‘lmasa ani ham sharh bila arzadosht qiling.
Turkish
Bengal hükümdarı bağlılık ve samimiyet gösterirse ve orada bana ihtiyaç duyulacak bir iş yoksa, bunu da açıklayarak arz edin.
Chagatay
باقیب توروب بولماس
Latin transcription
Boqib turub bo‘lmas.
Turkish
Bekleyip durulamaz.
Chagatay
اوزگه ساری عزیمت قیلغومدور
Latin transcription
O‘zga sori azimat qilg‘umdur.
Turkish
Başka tarafa yöneleceğim.
Chagatay
سیزلار دولتخواه لیق نینگ مشورتی بیله عسکرینی الیب یوروب انداغی ایشلارغه تنگری تعالی عنایتی بیله فیصل بیرگای سیز
Latin transcription
Sizlar davlatxohliqning mashvarati bila Askariyni olib yurub andog‘i ishlarg‘a Tangri taolo inoyati bila faysal bergaysiz.
Turkish
Sizler devlete bağlılıkla danışıp Askerî’yi alarak yürüyün; oradaki işleri yüce Tanrı’nın yardımıyla sonuçlandırın.
Chagatay
شنبه کونی ربیع الاول اینینگ یگیرمه توقوزیده عسکری گه مرصع کمر خنجر بیله بادشاهانه خلعت کییدوروب علم و طوغ و نقاره و طویله توپچاق و اون فیل و قطار تیوه بادشاهانه اسباب و آلات انعام بولدی
Latin transcription
Shanba kuni Rabi’ ul-avval oyning yigirma to‘qquzida Askariyga murassa’ kamar-xanjar bila podshohona xil’at kiydurub alam va tug‘ va naqqora va tavila to‘pchoq va o‘n fil va qator teva podshohona asbob va olot in’om bo‘ldi.
Turkish
Cumartesi günü, rebiülevvel ayının yirmi dokuzunda Askerî’ye mücevherli kemer ve hançerle hükümdarlara yaraşır hilat giydirilip sancak, tuğ, nakkare, bir tavla topçak atı, on fil, bir katar deve, hükümdarlara yaraşır araç gereçler ihsan edildi.