Demir Barlas
Open a passage to bookmark it.
Saved in this browser.بو خبرنی هم اوشبو پاچی کیلتوردی کیم همایون نیک اوغلی بولمیش یادکار طغایی نیک قیزیدین
Bu xabarni ham ushbu pochi kelturdi kim Humoyunning o‘g‘li bo‘lmish, Yodgor Tag‘oyining qizidin.
Aynı ulak şu haberi de getirdi: Hümayun’un bir oğlu olmuş, Yadigâr Tagayı’nın kızından.
کامران هم کابل دا کدخدا بولادور ایمیش
Komron ham Kobulda kadxudo bo‘ladur emish.
Kâmran da Kâbil’de evleniyormuş.
طغایی سی سلطان علی میرزا نیک قیزینی الادور ایمیش
Tag‘oyi-si Sulton Ali Mirzoning qizini oladur emish.
Dayı-sı Sultan Ali Mirza’nın kızını alıyormuş.
اوشبو کون سید دکنی شیرازی غیبکرغه خلعت کییدوروب انعام قیلیب فواره لیغ چاه نی بویوردوک کیم بیلورچه اتمامغه یتکورکای
Ushbu kun Sayyid Dakkani Shirozi G‘aybgarg‘a [?] xil‘at kiydurub in‘om qilib favvoralig‘ chohni buyurduk kim biluricha itmomg‘a yetkurgay.
O gün Seyyid Dekkenî Şirazî gaybger [?] unvanlı kişiye hilat giydirip bağışta bulunduk ve fıskiyeli kuyuyu emrettik; elinden geldiği kadar tamamlasın.
ادینه کونی ایی نیک یکرمه اوچیده حرارتی بدنیم ده ظاهر بولدی انداق کیم جمعه نمازی نی مسجدده تشویش بیله اوتادیم
Odina kuni oyning yigirma uchida harorati badanimda zohir bo‘ldi, andoq kim jum‘a namozini masjidda tashvish bila o‘tadim.
Cuma, ayın yirmi üçünde bir ateş bedenimde belirdi; öyle ki cuma namazını camide sıkıntıyla kıldım.
نماز پیشین احتیاطینی کیلیب کتابخانه بیر زمان دین سونک مشقت بیله اوتادیم
Namozi peshin ihtiyotini kelib kitobxona bir zamondin so‘ng mashaqqat bila o‘tadim.
Öğle namazının ihtiyat namazını gelip kütüphanede bir süre sonra güçlükle kıldım.
ایندی یکشنبه کونی ایسیتیب ازراق تیبرادیم
Endi Yakshanba kuni isitib ozroq tebradim.
Sonra pazar günü ateşlenip biraz titredim.
سیشنبۀ کیچسی صفر ایی نیک یکرمه یتی سیده حضرت خواجه عبیدالله نیک والدیه رساله سینی نظم قیلماق خاطریمغه کیچتی
Seshanba kechasi Safar oyining yigirma yeti-sida Hazrati Xoja Ubaydullohning Volidiya risolasini nazm qilmoq xotirimg‘a kechti.
Salı gecesi, safer ayının yirmi yedi-sinde Hazret-i Hoca Ubeydullah’ın Vâlidiye risalesini nazma çekmek aklıma geldi.
حضرت نیک روحیغه التجا قیلیب کونکلوم که کیچوردوم کیم اگر بو منظور اول حضرت نیک مقبولی بولور خود نیچوک کیم صاحب قصیده برده نیک قصیده سی مقبول توشوب اوزی افلج مرضی دین خلاص بولدی مین داغی بو عارضه دین قوتولوب نظمیم نیک قبولیغه دلیلی بولغوسیدور
Hazratning ruhig‘a iltijo qilib ko‘nglumga kechurdum kim: Agar bu manzur ul hazratning maqbuli bo‘lur, xud nechuk kim sohibi qasidai Burdaning qasidasi maqbul tushub o‘zi iflij marazidin xalos bo‘ldi, men dog‘i bu orizadin qutulub nazmimning qabulig‘a dalili bo‘lg‘usidur.
Hazretin ruhuna sığınıp gönlümden geçirdim ki: “Bu eser o hazretçe makbul olursa, tıpkı Kaside-i Bürde sahibinin kasidesi makbul görülüp kendisinin felç hastalığından kurtulması gibi, benim de bu rahatsızlıktan kurtulmam, nazmımın kabul edildiğine delil olacaktır.”
اوشبو نیت بیله رمل مسدس مخبون عروض و ضرب کاه ابتر کاه مخبون محذوف وزنیده کیم مولانا عبدالرحمن جامی نیک سبحه سی هم بو وزنده دور رساله نظمغه شروع قیلدیم
Ushbu niyat bila ramali musaddasi maxbun, aruz-u zarb goh abtar goh maxbuni mahzuf vaznida, kim Mavlono Abdurrahmon Jomiyning Subhasi ham bu vazndadur, risola nazmig‘a shuru‘ qildim.
Bu niyetle remel-i müseddes-i mahbûn, aruz ve darbı bazen ebter, bazen mahbûn-ı mahzûf vezninde, Mevlânâ Abdurrahman Câmî’nin Subha’sı da bu vezindedir, risaleyi nazma çekmeye başladım.