Chagatay
ابنوس ییغاچینی کیم هند ایلی تندو دیرلار کورماکان لارکا کورساتیلدی
Latin transcription
Obnus yig‘ochini, kim Hind eli tindu derlar, ko‘rmaganlarga ko‘rsatildi.
Turkish
Hint halkının tindu dediği abanoz ağacı, görmeyenlere gösterildi.
ColumnsLanguages
Text views
Bookmarks (0)
Open a passage to bookmark it.
Saved in this browser.Manuscript folio 344a
Choose languages
Page 686 of 762
Chagatay
اندین یانیب تاغدین توشوب نماز شام بیله نماز خفتن نیک اراسیده اندین اتلاندوک
Latin transcription
Andin yonib tog‘din tushub namozi shom bila namozi xuftanning orasida andin otlanduk.
Turkish
Oradan dönüp dağdan indik ve akşamla yatsı arasında oradan yola çıktık.
Chagatay
ایکی پاس غه یوق بیر یرده کیلیب اویقولادوک
Latin transcription
Iki posg‘a yovuq bir yerda kelib uyquladuk.
Turkish
İki pasa yakın vakitte bir yere gelip uyuduk.
Chagatay
کون نیک بیر پهری بولا چارباغ که کیلیب توشولدی
Latin transcription
Kunning bir pahri bo‘la chorbog‘qa kelib tushuldi.
Turkish
Günün bir peheri olunca çarbağa gelip inildi.
Chagatay
ادینه کونی اینیک اون یتیسیده سوهجنه دیکان صلاح الدین نیک زاد و بود کنتینی و کنتیدین یوققاری تاغ اراسیداقی و قول ایچیداکی لیمو و سدافل باغینی سیر قیلیب بیر پهرده کیلیب چارباغ که توشتوم
Latin transcription
Odina kuni oyning on yetisida Suhjana degan Salohiddinning zod-u bud kentini va kentidin yuqqori tog‘ orasidagi va qo‘l ichidagi limu va sadofal bog‘ini seyr qilib bir pahrda kelib chorbog‘qa tushtum.
Turkish
Cuma, ayın on yedisinde Suhcana denilen, Salahaddin’in doğup büyüdüğü köyünü ve köyün yukarısında, dağ arasında ve vadi içindeki limon ve sedafel bahçesini gezerek günün ilk peherinde gelip çarbağa indim.
Chagatay
یکشنبه کونی اینیک اون توقوزیدا تاکدین بورونراق چارباغ دین اتلانیب قواری سوی دین اوتوب توشلاندوک
Latin transcription
Yakshanba kuni oyning on to‘quzida tongdin burunroq chorbog‘din otlanib Quvori suyidin o‘tub tushlanduk.
Turkish
Pazar, ayın on dokuzunda, tan sökmeden çarbağdan yola çıkıp Kuvari suyunu geçerek öğle molası verdik.
Chagatay
نماز پیشین اندین اتلانیب افتاب اولتورور محل سوی دین اوتوب نماز شام نماز خفتن اراسیده دولپور قورغانیغه کیریب چراغ بیله ابوالفتح سالغان حمام نی سیر قیلیب اندین اتلانیب یانکی چارباغ سالغان یرکه بند باشیغه کیلیب توشولدی
Latin transcription
namozi peshin andin otlanib oftob olturur mahal suyidin o‘tub namozi shom, namozi xuftan orasida Dulpur qo‘rg‘onig‘a kirib chirog‘ bila Abul-Fath solg‘an hammomni seyr qilib andin otlanib yangi chorbog‘ solg‘an yerga, band boshig‘a kelib tushuldi.
Turkish
Öğle vakti oradan yola çıkıp güneş batarken [Çembel] suyunu geçerek akşamla yatsı arasında Dulpur kalesine girdik. Ebulfeth’in yaptırdığı hamamı lamba ışığında gezip oradan hareketle yeni çarbağ yapılan yere, bendin başına gelip inildi.
Chagatay
تانکلاسیغه بویورولغان یرلارنی توروب سیر قیلدیم
Latin transcription
Tonglasig‘a buyurulg‘an yerlarni turub seyr qildim.
Turkish
Ertesi gün yapılmasını emrettiğim yerleri kalkıp gezdim.
Chagatay
یکپاره تاشدا بویورغان کلاهدار حوض نیک یوزینی بیر مرتبه تمام کوتارمایدورلار ایدی
Latin transcription
Yakpora toshda buyurg‘an kulohdor havzning yuzini bir martaba tamom ko‘tarmaydurlar edi.
Turkish
Tek parça taştan yapılmasını emrettiğim külahlı havuzun yüzeyini bütünüyle aynı seviyeye getirmemişlerdi.
Chagatay
بویورولدی کیم سنگتراشلار کوپراک کیلیب بیر مرتبه حوض نیک توپینی درست اتسونلار کیم سو قویوب اطرافینی ترازو قیلسه بولغای
Latin transcription
Buyuruldi kim sangtaroshlar ko‘prak kelib bir martaba havzning tubini durust otsunlar kim su qo‘yub atrofini tarozu qilsa bo‘lg‘ay.
Turkish
Daha çok taş ustası gelerek havuzun tabanını düz bir seviyeye getirsinler; böylece su koyup çevresini tesviye edebilelim.
Chagatay
کیچ نماز دیکر حوض نیک بیر مرتبه یوزینی تمام الدیلار
Latin transcription
Kech namozi digar havzning bir martaba yuzini tamom oldilar.
Turkish
İkindi sonlarında havuzun yüzeyini bütünüyle bir seviyeye getirdiler.
Chagatay
بویوردوم کیم سو تولدوردیلار
Latin transcription
Buyurdum kim su to‘ldurdilar.
Turkish
Emrettim, su doldurdular.