Languages
Chagatay
جمع یامانلیقلارغه اول باعث ایدی نیچوک کیم مذکور بولدی چون اول یوروش موقوف بولدی میوات تسخیریغه متوجه بولدوک ارا تورت قونوب الور قورغانینینک کیم میواتنینک حاکم نشینی بو ایدی آلتی کروهیسیده مانسنی سوینینک یاقاسیغه توشولدی حسن خاندین بورون آتا آتاسی تجاره ده اولتورورلار ایکندور مین هندوستانغه اوروشوب پهار خاننی باسیب لاهور و دیبالپورنی آلغان ییلی مینینک تردودومدین دور اندیشلیک قیلیب بو قورغان نینک عمارتغه مشغول بولغاندور حسن خاننینک کرمچند آتلی معتبر کیشی اوغلی آگره ده ایکنده هم کیلیب ایدی اوغلی نینک قاشیدین الور دین کیلیب امان تیلادی عبدالرحیم شقاولنی انکا قوشوب استمالت فرمانلاری
Latin transcription
jam‘ yomonliqlarg‘a ul bois edi nechuk kim mazkur bo‘ldi. Chun ul yurush mavquf bo‘ldi Mevot tasxirig‘a mutavajjih bo‘lduk. Aro to‘rt qo‘nub Alvar qo‘rg‘onining kim Mevotning hokimnishini bu edi olti kuruhisida Monasni suyining yoqasig‘a tushuldi. Hasan Xondin burun ota-otasi Tijorada oltururlar ekandur. Men Hindustong‘a evrushub Pahor Xonni bosib Lohur va Dipolpurni olg‘on yili mening taraddudumdin durandishlik qilib bu qo‘rg‘onning imoratig‘a mashg‘ul bo‘lg‘ondur. Hasan Xonning Karamchand otli mu‘tabar kishisi o‘g‘li Agrada ekanda ham kelib edi. O‘g‘lining qoshidin Alvar din kelib amon tiladi. Abdu-r-Rahim Shiqovulni anga qo‘shub istimolat farmonlari
Turkish
bütün kötülüklerin sebebiydi, anlatıldığı gibi. O sefer ertelendiğinden Mevat’ı ele geçirmeye yöneldik. Arada dört konak yapıp Alver kalesinden, Mevat hâkiminin oturduğu yer burasıydı, altı küruh uzakta, Manasni suyunun kıyısına indik. Hasan Han’dan önce ataları Ticare’de otururlarmış. Ben Hindistan’a yönelip Pehar Han’ı yenerek Lahor ve Dipalpur’u aldığım yıl, benim girişimlerimi düşünerek ilerisi için kaygı-lanıp bu kalenin yapımına girişmiş. Hasan Han’ın Kermçend adlı güvenilir adamı, oğlu Agra’dayken de gelmişti. Oğlunun yanından Alver-den gelip aman diledi. Abdürrahim Şikavul’u ona katarak gönül alıcı fermanlarla