Page 580 of 762
Languages
For passage 580.1 only.
ColumnsLanguages
Chagatay
بو چراغ نی کلتوروب یقین آلیب تورادورلار دریا لاریدین و قرا سو لاریدین
Latin transcription
bu chirog‘ni kelturub yaqin olib turadurlar. Daryolaridin va qaro sularidin
Turkish
bu ışığı getirip yakında tutarlar. Irmaklarından ve karasularından
Languages
For passage 580.2 only.
ColumnsLanguages
Chagatay
اوزکه کیم جرلار و چوقورلاردا آقادور باغ و عمارت لاریدا آقارلار یوق عمارت
Latin transcription
o‘zga kim jarlar va chuqurlarda oqadur, bog‘ va imoratlarida oqarlar yo‘q. Imorat-
Turkish
başka, ki bunlar yarıklarda ve çukurlarda akar, bahçe ve yapılarında akan su yoktur. Yapı-
Languages
For passage 580.3 only.
ColumnsLanguages
Chagatay
لاریدا صفا و هوا اندام و سیاق یوق رعیت و ریزه پای ایلی تمام یالانکاج
Latin transcription
larida safo va havo, andom va siyoq yo‘q. Raiyat va rizapoy eli tamom yalang‘och
Turkish
larında ferahlık, hava, biçim ve düzen yoktur. Halk ve alt tabaka bütünüyle çıplak
Languages
For passage 580.4 only.
ColumnsLanguages
Chagatay
یورویه دورلار لنکوته دیک بر نمه باغلایدورلار کیندیک دین ایکی قاریش قوی قیسیق
Latin transcription
yuruyadur-lar. Languta dek bir nima bog‘laydurlar. Kindikdin ikki qarish quyi qisiq
Turkish
gezer. Languta gibi bir şey bağlarlar. Göbekten iki karış aşağıya bir bez parçası
Languages
For passage 580.5 only.
ColumnsLanguages
Chagatay
سالینیب توروبتور بو سالینغان قیسیق لته نینک اوستیده ینه بر پارچه بار
Latin transcription
solinib turubtur. Bu soling‘on qisiq lataning ustida yana bir porcha bor.
Turkish
sarkar. Bu sarkan bezin üzerinde bir parça daha vardır.
Languages
For passage 580.6 only.
ColumnsLanguages
Chagatay
بو لنکوته نینک باغی نی کیم باغلارلار اول پارچه لته نینک ایکی بوت نینک آراسیدین آلیب
Latin transcription
Bu langutaning bog‘ini kim bog‘larlar, ul porcha lataning ikki butning orasidin olib
Turkish
Bu langutanın bağını bağladıklarında, o bez parçasını iki bacağın arasından alıp
Languages
For passage 580.7 only.
ColumnsLanguages
Chagatay
کیین لنکوته نینک باغیدین اوتکارب برکیتادورلار خاتون لاری خود بر اوزون
Latin transcription
keyin langutaning bog‘idin o‘tkarib berkitadurlar. Xotunlari xud bir uzun
Turkish
arkada langutanın bağından geçirerek tuttururlar. Kadınları ise uzun bir
Languages
For passage 580.8 only.
ColumnsLanguages
Chagatay
لینک باغلاب تورلار یاریمی بیلیکه باغلایدور یاریمینی باش لاریغه سالادورلار لطافتی
Latin transcription
lang bog‘labturlar; yarimini beliga bog‘laydur, yarimini boshlarig‘a soladurlar. Latofati
Turkish
bez bağlamışlardır; yarısını bele bağlar, yarısını başlarına örterler. Güzel yanları,
Languages
For passage 580.9 only.
ColumnsLanguages
Chagatay
کیم هندوستان دا بار اولوغ ولایت تور و آلتون و یارماغی قالین بولادور و پیشکال
Latin transcription
kim Hindustonda bor: ulug‘ viloyattur va oltun va yarmog‘i qalin bo‘ladur va peshkol
Turkish
Hindistan’ın büyük bir ülke olması, altınının ve parasının çokluğu, muson
Languages
For passage 580.10 only.
ColumnsLanguages
Chagatay
هوالاری بسیار خوب بولادور کاهی کونی بولادور کیم اون اون بیش یکرمه قاتله
Latin transcription
havolari bisyor xo‘b bo‘ladur. Gohi kuni bo‘ladur kim o‘n, o‘n besh, yigirma qatla
Turkish
havasının çok güzel olmasıdır. Bazen bir günde on, on beş, yirmi kez
Languages
For passage 580.11 only.
ColumnsLanguages
Chagatay
یاغادور یاغین لاریدا بر زمان کیم سیل لار کیله دور هیچ سو یوق یرلاردا دریا
Latin transcription
yog‘adur. Yog‘inlarida bir zamon kim sellar keladur. Hech su yo‘q yerlarda daryo-
Turkish
yağmur yağar. Yağmurlarında bir anda seller gelir. Hiç su olmayan yerlerde ırmak-
Languages
For passage 580.12 only.
ColumnsLanguages
Chagatay
آقادور یاغار محل دا و یاغیب تورغان محل لاردا غریب یخشی هوالار بولادور
Latin transcription
oqadur. Yog‘or mahalda va yog‘ib turg‘on mahallarda g‘arib yaxshi havolar bo‘ladur.
Turkish
lar akar. Yağmur sırasında ve yağdığı zamanlarda olağanüstü güzel hava olur.
Languages
For passage 580.13 only.
ColumnsLanguages
Chagatay
انداق کیم هوا نینک اعتدالی و لطافتی آندین اوتکان ایماس دور عیبی بودور کیم هوا کوب پرنم
Latin transcription
Andoq kim havoning e’tidoli va latofati andin o‘tgan emasdur. Aybi budur kim havo ko‘p purnam
Turkish
Öyle ki havanın ılımanlığı ve güzelliği bundan öteye geçmez. Kusuru, havanın çok nemli
Languages
For passage 580.14 only.
ColumnsLanguages
Chagatay
بولادور اول ولایت لارنینک یالارغه پیشکال اوتسه خود آتیب بولمایدور بوزولادور
Latin transcription
bo‘ladur. Ul viloyatlarning yolarig‘a peshkol o‘tsa xud otib bo‘lmaydur, buzuladur.
Turkish
olmasıdır. O ülkelerin yayları muson geçirirse onlarla ok atılamaz; bozulurlar.
Open a passage for notes, comparisons and a link to the text.