✺Baburname

tushuldi. Men bir necha maxsuslar bila jolag‘a kirib keldim. Iyd hiloli bu yurtta

ko‘ruldi. Dara-i Nurdin bir necha ulug‘ chog‘ir kelturub edilar. Namoz-i shomdin keyin

chog‘ir majlisi bo‘ldi. Ahl-i majlis Muhibb Ali Qo‘rchi, Xoja Muhammad Ali Kitobdor, Shoh Hasan-

i Shoh Beg, Sulton Muhammad Duldo‘y, Darvish Muhammad Sorbon edi. Darvish Muhammad toyib

edi. Kichiklikdin beri mening shartim andoq edi kim ichmas kishiga chog‘ir taklifi

qilmag‘oy men. Doim suhbatlarda Darvish Muhammad bo‘lur edi. Hech nav’ taklifi qilmas

edi. Xoja Muhammad Ali erkiga qo‘ymay taklif qila-qila chog‘ir ichurdi. Dushanba sabohi

iyd kuni ko‘chtuk. Yo‘lda xumor daf’ig‘a ma’jun yeduk. Ma’junnoklikta bir hanzal

kelturdilar. Darvish Muhammad hanzalni ko‘rgan emas edi. Men dedim kim «Hindustonning

hinduvonasidur». Bir kirch kesib berdim, rag‘bat bila tishladi. Axshomg‘acha talxlig‘i

og‘zidin ketmadi. Garm Chashmaning balandida tushub yaxni tortiladur edi kim

Langar Xon kim necha mahal o‘z yerida edi, kelib ot va bir pora ma’jun tortib mulozamat

qildi. Kelib Yada Birga tushtuk. Namoz-i digarda bir necha maxsus bila jolag‘a kirib

bir kuro‘hcha qo‘yi borib chiqtuk. Tonglasi andin ko‘chub Xaybar ko‘talining tubig‘a