✺Baburname

Karkka tushub uyquladuq. Tong otmastin burun Karkdin otlanib Quratuning yo‘li

ayrilishida men besh olti kishi bila Quratuda solg‘on bog‘ni tafarruj ko‘ra bordim. Xalifa va Shoh

Hasan Begni va o‘zga elni to‘g‘ri yo‘l bila yiborildi kim Quruq Soyda manga tavaqquf qilg‘ay-

lar. Quratug‘a yetkanda Shoh Beg Arg‘unning Qizil otliq tavochisi Shoh Begning Kohon-

ni olib tolab yong‘on xabarini kelturdi. Farmon andoq edi kim hech kim ilgari xabar eltgay [sic].

namoz-i peshin bor edi kim Kobulg‘a yettuk. Qutluq Qadamning ko‘prugiga yetguncha hechkim xabardor bo‘lmadi.

Andin so‘ngra Humoyun bila Komron xabar topib ot minguncha fursat bo‘lmadi. Chehralarig‘a

ko‘tartib shahr darvoza bila ark darvozasining orasida kelib mulozamat qildilar.

Namoz-i digar Qosim Beg va shahr qozisi va Kobulda qolg‘on mulozimlar va arbob kelib mulozamat

qildilar. Odina kuni Rabi’ ul-oxir oyining g‘urrasida namoz-i digarda chog‘ir majlisi bo‘ldi. Shoh Hasang‘a

xossa bosh oyoq inoyat qildim. Shanba sahari kemaga kirib sabuhiy qilduq. Nur Beg bu suhbat-

ud cholur edi. Ul vaqt toib emas edi. Namoz-i peshin kemadin chiqib Qulkina bila tog‘ning

orasidag‘i bog‘ni sayr qilib namoz-i digar Bog‘-i Banafshag‘a kelib ichildi. Namoz-i shom Qulkina tarafi-

din fasildin chiqib arkka keldim. Seshanba kechasi oyning beshida Do‘st Beg kim yo‘lda