✺Baburname

Farmon bo‘ldi kim hechkim bularning kala qarolarig‘a balki ip uchi igna sinuqlarig‘a

zarar-u nuqson yetkurmasun. Andin erta ko‘chub namozi peshin Kalda Kahorg‘a kelib tushtuk.

Atrof-u navohida qalin xavidzor edi. Bu Kalda Kahor tavr yeri voqi’ bo‘lubtur. Bihraning

o‘n kuro‘hida Jud tog‘ining arosida hamvor yeri tushubtur. Bu hamvor yerning

o‘rtasida bir ulug‘ ko‘ldur. Atrofidag‘i tog‘lardin yomg‘ur sulari yig‘ilib

bu ko‘l bo‘lubtur. Girdogirdi uch kuro‘hga yovushqoy. Shimolida yaxshi o‘lang voqi’ bo‘lubtur.

G‘arbida tog‘ domanasida chashmadur. Bu chashma suyi balandilarg‘a kim bu ko‘lga mushrif-

dur olturur. Chun qobil yer edi, bog‘e soldim, Bog‘i Safog‘a mavsum. Hayli xush havo

va safo yer voqi’ bo‘lubtur, nechukkim sharhi kelgusidur. Kalda Kahordin sahar otlanildi.

Ham Totu ko‘talining boshida bir necha yerlik el muhaqqar peshkash bila kelib mulozamat qildilar.

Abdurrahim Shiqovulg‘a kelgan kishini qo‘shub Bihra yiborildi kim Bihra eliga istimolat

berib degay kim: “Bu viloyatlar qadimdin Turkka ta’alluq bo‘la kelgandur. Zinhor

tavahhum-u dag‘dag‘a o‘zlariga yo‘l berib elni buzulg‘oli qo‘ymasunlar kim bu viloyat

va el bila boqimiz bordur. Tolon-u toroj bo‘lmag‘usidur.” Chosht ko‘tal tubiga tushub