✺Baburname

jihatidin ekandur, ne takabburdin; va bu taqsir aysh-u ishrat sababidin ekandur, ne takaddurdin.

Muzaffar Mirzo mubolag‘a qildi. Ot ustida ko‘rushtuk. Ibn-i Husayn Mirzo bila ham ushbu

nav’ ko‘rushuldi. Kelib Badiuzzamon Mirzo eshikiga tushtuk. G‘arib izdihom-

u jam’iyat edi. Andoq g‘uluv edi kim tiqilishdin ba’zining uch to‘rt qadam yo‘l ayog‘i

yerga tegmas edi. Ba’zi kim ish kuch uchun yonmoq xayol qilsa edi, to‘rt besh qadam

yo‘l keyinga boqa be-ixtiyor olib borurlar edi. Badiuzzamon Mirzoning devonxona

uyiga yettuk. Muqarrar andoq edi kim men uydin kirgach yukungay men, Badiuzzamon

Mirzo qo‘pub irqqa kelgay, dog‘i ko‘rushulg‘oy. Men uydin kirgach bir yukundum,

dog‘i be-dirang mutavajjih bo‘ldum. Badiuzzamon Mirzo ohastaroq qo‘pub sustroq

yurudi. Qosim Beg chun davlatxoh edi va mening nomusum aning nomusi edi,

bel bog‘imdin bir tortti, voqif bo‘ldum. Ta’anniy bila yurub muqarrar bo‘lg‘on yerda ko‘rushuldi.

Bu ulug‘ oq uyda to‘rt to‘shak solib edilar. Badiuzzamon Mirzoning

oq uylari albatta yon eshiklik bo‘lur edi. Mirzo doim bu eshikning yonida

olturur edi. Bir to‘shakni bu eshikning yonida solib edilar. Badiuzzamon Mirzo va