Baburname

Demir Barlas

Page 755 · 378b
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 378b
Choose languages

Page 755 of 762

Latin transcription

Bist-u haftum kechasi ushbu yurtta bo‘ldi.

Languages

Chagatay

بیست و هفتم کیچه سی اوشبو یورتته بولدی

Turkish

Yirmi yedinci gece bu konakta geçti.

English

Not yet available.

Latin transcription

Tonglasi ushbu sudin ayrilib Tus suyini o‘tub tushuldi.

Languages

Chagatay

تانکلاسی اوشبو سودین آیریلیب توس سوینی اوتوب توشولدی

Turkish

Ertesi gün bu sudan ayrılıp Tus Irmağı’nı geçerek konuldu.

English

Not yet available.

Latin transcription

Yakshanba kuni ham ushbu su yoqasig‘a tushtuk.

Languages

Chagatay

یکشنبه کونی هم اوشبو سو یاقه سیغه توشوک

Turkish

Pazar günü de bu suyun kıyısına indik.

English

Not yet available.

Latin transcription

Dushanba kuni oyning yigirma to‘qquzida ushbu Tus suyining yoqasida manzil edi.

Languages

Chagatay

دوشنبه کونی آی نیک یگیرمه توقوزیده اوشبو توس سویی نیک یاقه سیده منزل ایدی

Turkish

Pazartesi günü ayın yirmi dokuzunda Tus Irmağı kıyısında konaktaydık.

English

Not yet available.

Latin transcription

Bu oqshom bovujud kim havo yaxshi sof emas edi, bir necha kishi oy ko‘rdilar.

Languages

Chagatay

بو اخشام باوجود کیم هوا یخشی صاف ایماس ایدی بر نیچه کیشی آی کوردیلار

Turkish

Bu akşam, her ne kadar hava pek açık değilse de birkaç kişi ayı gördü.

English

Not yet available.

Latin transcription

Qozi qoshida guvohliq berdilar.

Languages

Chagatay

قاضی قاشیده کواهلیق بیردیلار

Turkish

Kadı önünde tanıklık ettiler.

English

Not yet available.

Latin transcription

Oy boshi sobit bo‘ldi.

Languages

Chagatay

آی باشی ثابت بولدی

Turkish

Ayın başladığı kesinleşti.

English

Not yet available.

Latin transcription

Seshanba sabohi iyd namozini o‘tab otlanildi.

Languages

Chagatay

سه شنبه صباحی عید نمازینی اوتاب آتلانیلدی

Turkish

Salı sabahı bayram namazı kılınıp ata binildi.

English

Not yet available.

Latin transcription

O‘n karuh yo‘l kelib Moyining bir karuhida Gumati suyining yoqasida tushtuk.

Languages

Chagatay

اون کرور یول کیلیب ماینینک بر کروریده کومتی سوی نیک یاقه سیده توشوک

Turkish

On kürûh yol gidip Mayin’in bir kürûh uzağında Gumeti Irmağı kıyısına indik.

English

Not yet available.

Latin transcription

Namoz-i peshinga yovuq ma’jun irtikob qildi.

Languages

Chagatay

نماز پیشین که یاووق معجون ارتکاب قیلدی

Turkish

Öğle namazına yakın macun yenildi.

English

Not yet available.

Latin transcription

Shayx Zayn va Mullo Shihob va Xondamir g‘a buguna baytni yiborib tiladuk: Shayx-u Mullo Shihob-u Xondamir / Keling uch uch, ikki ikki, bir bir.

Languages

Chagatay

شیخ زین و ملا شهاب و خواندمیر غه بوکونه بیتنی ییبارب تیله دوک شیخ و ملا شهاب و خواندمیر کیلینک اوچ اوچ ایکی ایکی بر بر

Turkish

Şeyh Zeyn, Molla Şihab ve Handemir’e şöyle bir beyit gönderip çağırdık: Şeyh, Molla Şihab ve Handemir / Gelin üçer üçer, ikişer ikişer, birer birer.

English

Not yet available.

Latin transcription

Darvish Muhammad va Yunus Ali va Abdulloh ham bor edilar.

Languages

Chagatay

درویش محمد و یونس علی و عبدالله هم بار ایدیلار

Turkish

Derviş Muhammed, Yunus Ali ve Abdullah da vardı.

English

Not yet available.

Latin transcription

Namoz-i digar kushtigirlar kushti tuttilar.

Languages

Chagatay

نماز دیگر کشتی کرلار کشتی توتتیلار

Turkish

İkindi vakti pehlivanlar güreşti.

English

Not yet available.

Latin transcription

Chahorshanba kuni ul yurtta maqom edi.

Languages

Chagatay

چهارشنبه کونی اول یورتته مقام ایدی

Turkish

Çarşamba günü o konakta kalındı.

English

Not yet available.

Latin transcription

Choshtqa yovuq ma’jun yeyildi.

Languages

Chagatay

چاشتقه یاووق معجون یییلدی

Turkish

Kuşluk vaktine yakın macun yenildi.

English

Not yet available.

Latin transcription

Malik Sharqiy kim Toj Xonni Chunordin chiqorg‘oli borib edi, bu kun keldi.

Languages

Chagatay

ملک شرقی کیم تاج خان نی چناردین چیقارغالی باریب ایدی بو کون کیلدی

Turkish

Tac Han’ı Çunar’dan çıkarmaya gitmiş olan Melik Şarkî bugün geldi.

English

Not yet available.

Latin transcription

Bu kun kushtigirlar kushti tuttilar.

Languages

Chagatay

بو کون کشتی کرلار کشتی توتتیلار

Turkish

Bugün pehlivanlar güreşti.

English

Not yet available.

Latin transcription

Pahlavon Avadiy kim burun kelib edi, bu fursatta kelgan Hindustoniy kushtigir bila kurashib yiqti.

Languages

Chagatay

پهلوان اودی کیم بورون کیلیب ایدی بو فرصتته کیلکان هندوستانی کشتی کیر بیله کوراشیب ییقتی

Turkish

Daha önce gelmiş olan Evedli pehlivan, bu sırada gelen Hindistanlı pehlivanla güreşip onu yendi.

English

Not yet available.