✺Baburname

Ul tarafdin zo‘rlab Bangolilarni qochurub uch kema kishisi sug‘a g‘arq bo‘lur.

Bir kemani iliklab mening qoshimg‘a kelturdilar.

Munda Bobo yaxshi yurub zo‘rlar.

Farmon bo‘ldi kim O‘g‘onturdi olg‘on sekiz kemani Muhammad Sulton, Yaka Xoja, Yunus Ali, O‘g‘onturdi va ul jamoat kim burun o‘tkali muqarrar bo‘lub edilar, kemalarni kech qorong‘uda yuqqori tortib o‘tkaylar.

Ushbu kun Askariydin kishi kelib edi kim sudin be-boqi o‘ttilar.

Tongla sabohi kim panjshanba kuni bo‘lg‘oy, yog‘i ustiga kelurlar.

Farmon bo‘ldi kim bu o‘tkanlar Askariyg‘a qo‘shulub g‘anim ustiga yurugaylar.

Namozi peshin Usto qoshidin kishi keldi kim tosh tayyor bo‘luptur, ne farmon bo‘lur?

Farmon bo‘ldi kim bu toshni otsun.

Yana men borg‘uncha yana bir toshni tayyor qilsun.

Namozi digarda kichikkina Bangoliy zavraqqa kirib mo‘ljor qo‘porg‘on yerga bordim.

Usto bir navbat ulug‘ tosh otti.

Yana bir necha farangi otti.

Bangolilarning otashbozlig‘ bila shuhrati bor edi.

Bu navbat yaxshi sinoduk.

Bir yerni choq qilib otmaydurlar, har tavr bila otodurlar.

Ushbu namozi digar buyurduk kim Saru daryosi bila alarning olidin bir necha kemani tortib o‘tkardilar.

Kema tortar kishilar betahoshi va bepanoh bir necha kemani tortib o‘tkardilar.