✺Baburname

Yakshanba sabohi cherik Gangdin o‘ta kirishti.

Men bir posta Kemaga kirib o‘ttum.

Uch pahar bo‘lub edi kim Ro‘yzardlar kim guzar ko‘ra borib edilar keldilar.

Guzar xud topmaydurlar.

Kemalarning va ta’yin bo‘lg‘on favjning yo‘lda uchra g‘onining xabarini kelturdilar.

Seshanba kuni su kechkan yerdin ko‘chub urush yeri bir kuro‘h yovuq kelib tushuldi.

O‘zum borib Ustod Ali Qulining farangi va darbzan otmog‘ini tafarruj qildim.

Ushbu kun Ustod Ali Quli farangi toshi bila iki kemani urub sindurub g‘arq qildi.

Mustafo ham ul yuzdin farangi toshi bila iki kema urub sindurub g‘arq qildi.

Ulug‘ qozonni jang joyig‘a eltib yerini yosomoqqa Mullo G‘ulomni muhassil qo‘yub bir pora yasovullardin va jald yigitlar din anga ko‘mak ta’yin qilib yonib kelib o‘rdu to‘g‘risi bir arolda ma’jun yeduk.

Bu oqshom ma’junnok kemani xargohqa yaqin kelturub kemada o‘q takya qildim.

Bu oqshom g‘arib voqi’a dast berdi.

Kechaning uch posig‘a yovuq kemada suran va g‘avg‘o chiqti.

Chahralar har kim kemaning bir yig‘ochini olib ura ura deb qichqirishodurlar.

Farmoyish kemasi men takya qilg‘on Osoyish kemasining yonida bir tunqator anda edi.