✺Baburname

Menardin Sunqacha yarim kuro‘h yovushur.

Yonish o‘n iki kuro‘h.

Borurda ul yon bu yon sayr qilib borildi, o‘n besh o‘n olti kuro‘h.

Va o‘ttuz kuro‘hqa yovuq bu kun sayr qildi.

Kechaning avvalg‘i pahridin olti gari bo‘lub edi kim o‘rdug‘a kelildi.

Tonglasi panjshanba kuni Javnopurdin Sulton Junayd Barlos va Javnopurdag‘i yigitlar keldilar.

Kech qolg‘onlari jihatidin itob xitob qilib ko‘rushmadim.

Qozi Chiyani chorlab ko‘rushtum.

Ushbu kun Turk-u Hind umarosini mashvaratqa chorlab su o‘tar bobida [changi qildi?].

So‘z munga qaror topti kim Gang bila Saru suyining oralig‘i baland [kara?] Ustod Ali Quli qozon-u farangi-yu zarbzanni qurub qolin tufakandozlar bila bu yerdin urush angez qilg‘oy.

Iki suning qotilishidin juzviy qo‘yiroq jazirada kim Bangoliy ning bir fil va qolin kemasi quruptur, ro‘baro‘yida Gang suyining Bihor tarafidin Mustafo olot-u adavotini mukammal-u muhayyo qilib urushg‘a mashg‘ul bo‘lg‘oy.

Qolin tufakandoz lar dog‘i muning bila bo‘lg‘oy.

Muhammad Zamon Mirzo va bu bitilganlar Mustafoning orqasig‘a tushub ko‘mak bo‘lg‘oylar.

Ustod Ali Quli bila Mustafog‘a zarbzan otmoqqa va qozon qurmoqqa mo‘ljar qo‘porib yer yosomoq uchun qolin bildor-u kahorg‘a muhassillar tayin qildi.