Demir Barlas
Open a passage to bookmark it.
Saved in this browser.اول بابده اندیشه قیلیب آخر خاطر مونگا قرار تاپتیکیم یتی سکیز حاکم بیر ولایتده بولسه نی طور مربوط و مضبوط بولغوسیدور
Ul bobda andisha qilib oxir xotir munga qaror topti kim yeti sekiz hokim bir viloyatda bo‘lsa ne tavr marbut-u mazbut bo‘lg‘usidur?
Bunu düşünüp sonunda şu karara vardım: Yedi sekiz hâkim bir vilayette olursa düzen ve sağlamlık nasıl sağlanır?
Not yet available.
بو جهتدین ایکاچیم و حرملرنی هندوستانغه تیلادیم
Bu jihattin egachim va haramlarni Hindustong‘a tiladim.
Bu yüzden ablamı ve haremdekileri Hindistan’a çağırdım.
Not yet available.
جمیع کابل ولایات و قریاتینی خالصه قیلدیم
Jami’ Kobul viloyot-u qurayotini xolisa qildim.
Kâbil’in bütün vilayet ve köylerini hükümdarlık haslarına kattım.
Not yet available.
همایونغه و کامرانغه هم بو مضموننی مشروح بیتیدیم
Humoyung‘a va Komrong‘a ham bu mazmunni mashruh bitidim.
Hümayun ve Kâmran’a da bunu ayrıntılı yazdım.
Not yet available.
بیر آبادان کیشی اول خطلار نی میرزالارغه ایلتسون
Bir obodon kishi ul xatlar-ni mirzolarg‘a eltsun.
Güvenilir bir adam bu mektupları mirzalara götürsün.
Not yet available.
موندین بورون هم اوشبو مضموننی میرزالارغه بیتیب یبیریب ایدیم
Mundin burun ham ushbu mazmunni mirzolarg‘a bitib yiberib edim.
Daha önce de aynı içerikte mirzalara yazıp göndermiştim.
Not yet available.
شاید معلوم بولدی ایکین
Shoyad ma’lum bo‘ldi ekin.
Herhâlde öğrenmişlerdir.
Not yet available.
ایمدی اول ولایت نینگ ضبطیده و عمارتیده هیچ عذر و سوز قالمادی
Emdi ul viloyatning zabtida va imoratida hech uzr va so‘z qolmadi.
Artık o vilayetin idaresi ve imarı konusunda hiçbir bahane kalmadı.
Not yet available.
موندین سونگ اگر قورغان نامضبوط یا رعیت نامعمور بولسه یا ذخیره بولماسه یا خازینه تولماسه اول عمده الملک نینگ بی حاصلیقیغه حمل بولغوسیدور
Mundin so‘ng agar qo‘rg‘on nomazbut yo ra’iyyat noma’mur bo‘lsa, yo zaxira bo‘lmasa, yo xozina to‘lmasa, ul umda-tu’l-mulkning be-hosilliqig‘a haml bo‘lg‘usidur.
Bundan sonra kale sağlam olmaz, halk refah bulmaz, erzak bulunmaz yahut hazine dolmazsa, bu, o devlet direğinin beceriksizliğine yorulacaktır.
Not yet available.
بعضی ضروریات کیم مسطور بولغو سیدور بعضیسیغه فرمان هم باریبتور
Ba’zi zaruriyot kim mastur bo‘lg‘u-sidur, ba’zisiġa farmon ham boribtur.
Aşağıda yazılacak bazı zorunlu işler için ayrıca ferman da gönderilmiştir.
Not yet available.
بولاردین آرتقان خازینه بولسون
Bulardin artqon xozina bo‘lsun.
Bunlardan artan para hazineye kalsın.
Not yet available.
ضروریات بولاردور اول قورغان نینگ مرمتی ینه ذخیره ینه کیلور بارور ایلچی [بویلنینگ؟] علوفه و قونالغاسی ینه مسجد جمعه نینگ عمارتی یارماقینی مالدین آلیب شرعی قیلیب صرف قیلسونلار
Zaruriyot bulardur: avval qo‘rg‘onning marammati, yana zaxira, yana kelur borur elchi [bo‘ylening?] ulufa va qo‘nolg‘asi, yana masjid-i jum’aning imorati: yarmoqini moldin olib shar’iy qilib sarf qilsunlar.
Zorunlu işler şunlardır: Önce kalenin onarımı, sonra erzak; gelip giden elçi [ve benzerlerinin?] iaşe ve konaklaması; cuma camisinin inşası: parasını gelirden alıp şeriata uygun harcasınlar.
Not yet available.
ینه کاروانسرای و حماملار نینگ مرمتی ینه ارکته استاد حسن علی قیلغان بیشیغ خشت بیله نیمکاره عمارت نینگ اتمامی استاد سلطان محمد بیله مشورت قیلیب مناسب طرح بیله بیورولسون
Yana korvonsaroy va hammomlarning marammati, yana arkta Ustod Hasan Ali qilg‘on pishig‘ xisht bila nimkora imoratning itmomi Ustod Sulton Muhammad bila mashvarat qilib munosib tarh bila buyurulsun.
Ayrıca kervansaray ve hamamların onarımı; bir de iç kalede Üstat Hasan Ali’nin pişmiş tuğlayla yaptığı yarım binanın tamamlanması. Üstat Sultan Muhammed’le görüşülüp uygun bir planla yaptırılsın.
Not yet available.