Chagatay
اوقوی الماغاندین سونگ البته تغییر بیرور ایدینگ
Latin transcription
O‘quy olmog‘ondin so‘ng albatta tag‘yir berur eding.
Turkish
Okuyamayınca da elbette değiştirir-din.
ColumnsLanguages
Text views
Bookmarks (0)
Open a passage to bookmark it.
Saved in this browser.Manuscript folio 349b
Choose languages
Page 697 of 762
Chagatay
خطینگنی خود تشویش بیله اوقوسه بولادور ولی اسرو مغلق تور
Latin transcription
Xatingni xud tashvish bila o‘qusa bo‘lodur, vali asru mug‘laqtur.
Turkish
Mektubun zahmetle okunabiliyor; ama çok karışık.
Chagatay
نثر معما هیچ کیشی کورگان ایماس
Latin transcription
Nasr muammo hech kishi ko‘rgan emas.
Turkish
Düzyazıyla muamma kimse görmemiştir.
Chagatay
املانگ یامان ایماس اگرچه خیلی راست ایماس
Latin transcription
Imlong yomon emas, agarchi xayli rost emas.
Turkish
İmlan kötü değil, gerçi pek doğru da değil.
Chagatay
التفات نی تا بیله بیتیبسین قولنجنی یا بیله بیتیبسین
Latin transcription
Iltifot ni to bila bitibsen, qulinjni yo bila bitibsen.
Turkish
İltifat’ı tâ harfiyle, kuluncu yâ harfiyle yazmışsın.
Chagatay
خطینگنی خود هر طور قیلیب اوقوسه بولادور ولی بو مغلق الفاظینگدین مقصود تمام مفهوم بولمایدور غالبا خط بیتیر ده کاهللیگینگ هم اوشبو جهت تیندور
Latin transcription
Xatingni xud har tavr qilib o‘qusa bo‘lodur, vali bu mug‘laq alfozingdin maqsud tamom mafhum bo‘lmaydur, g‘olibo xat bitirda kohilliging ham ushbu jihattindur.
Turkish
Mektubun bir şekilde okunabiliyor, ama bu karışık sözlerinden maksadın bütünüyle anlaşılmıyor. Herhalde mektup yazmaktaki üşengeçliğin de bundandır.
Chagatay
تکلف قیلای دیبسین اول جهت تین مغلق بولادور
Latin transcription
Takalluf qiloy debsen, ul jihattin mug‘laq bo‘lodur.
Turkish
Süslü yazmaya çalışmışsın; bu yüzden karışık oluyor.
Chagatay
موندین ناری بی تکلف و روشن و پاک الفاظ بیله بیتی هم سنگا تشویش ازراق بولور و هم اوقوغوچیغه
Latin transcription
Mundin nori betakalluf u ravshan u pok alfoz bila biti, ham sanga tashvish ozroq bo‘lur va ham o‘qug‘uchig‘a.
Turkish
Bundan böyle sade, açık ve duru sözlerle yaz; hem sana hem okuyana daha az zahmet olur.
Chagatay
ینه اولوغ ایش اوستیگه باراسین
Latin transcription
Yana ulug‘ ish ustiga borasen.
Turkish
Ayrıca büyük bir işin başına gidiyorsun.
Chagatay
ایش کورگان رای و تدبیرلیق بیکلر بیله کینگاشیب الارنینگ سوزی بیله عمل قیلغایسین
Latin transcription
Ish ko‘rgan ra’y u tadbirliq beglar bila kengashib olarning so‘zi bila amal qilg‘aysen.
Turkish
Deneyimli, düşünceli ve tedbirli beylerle danışarak Onların sözüne göre davran.
Chagatay
اگر مینینگ رضامنی تیلارسین خلوت نشین لیقنی و ایل بیله کم اختلاطلیقنی برطرف قیلغیل
Latin transcription
Agar mening rizomni tilarsen, xilvatnishin liqni va el bila kam ixtilotliqni bartaraf qilg‘il.
Turkish
Benim hoşnutluğumu istiyorsan, inzivaya çekilme-yi ve insanlarla az görüşmeyi bırak.
Chagatay
کونده ایکی نوبت اینینگنی و بیکلرنی اختیارلاریغه قویمای قاشینگغه چارلاب هر مصلحت بولسه کینگاشیب بو دولتخواه لارنینگ اتفاقی بیله هر سوزونگگه قرار بیرگای سین
Latin transcription
Kunda ikki navbat iningni va beglarni ixtiyorlarig‘a qo‘ymay qoshingg‘a chorlab har maslahat bo‘lsa kengashib bu davlatxohlarning ittifoqi bila har so‘zungga qaror bergay sen.
Turkish
Günde iki kez kardeşini ve beyleri kendi isteklerine bırakmadan yanına çağır; her meselede danışıp bu devlet dostlarının ortak görüşüyle her konuda karar vere-sin.
Chagatay
ینه خواجه کلان مینینگ بیله گستاخانه اختلاط قیله اورگانیب ایدی
Latin transcription
Yana Xoja Kalon mening bila gustoxona ixtilot qila o‘rganib edi.
Turkish
Hoca Kelan benimle samimi ilişki kurmaya alışmıştı.
Chagatay
سین داغی نیچوک کیم تنگری عنایتی بیله اول ساریلاردا ایش ازراق بولسه کامرانغه احتیاج بولماسه کامران بلخ ته مضبوط کیشیلارینی قویوب اوزی مینینگ قاشیمغه کیلسون
Latin transcription
Sen dog‘i nechuk kim Tangri inoyati bila ul sorilarda ish ozroq bo‘lsa Komrong‘a ehtiyoj bo‘lmasa Komron Balxta mazbut kishilarini qo‘yub o‘zi mening qoshimg‘a kelsun.
Turkish
Sen de, nasıl ki... Tanrı’nın yardımıyla o taraflarda işler azalır ve Kamran’a ihtiyaç kalmazsa Kamran Belh’te güvenilir adamlarını bırakıp yanıma gelsin.