Chagatay
بویان شیخ بیککینه دین خیلی سونکرا چیقیبتور
Latin transcription
Buyon Shayx Begginadin xayli so‘ngra chiqiptur.
Turkish
Buyan Şeyh, Beggine’den çok sonra yola çıkmış.
ColumnsLanguages
Text views
Bookmarks (0)
Open a passage to bookmark it.
Saved in this browser.Manuscript folio 347a
Choose languages
Page 692 of 762
Chagatay
ادینه کونی صفر ایی نیک توقوزیده کشم نیک ایاغیده دوشنبه دیکان یردین همایون دین ایریلیپتور
Latin transcription
Odina kuni Safar oyining to‘quzida Kishmning ayog‘ida Dushanba degan yerdin Humoyun-din ayriliptur.
Turkish
Cuma, safer ayının dokuzunda Kişm’in aşağısında Duşanba denilen yerde Hümayun’-dan ayrılmış.
Chagatay
دوشنبه کونی ربیع الاول ایی نیک اونیده اگره کا کیلدی
Latin transcription
Dushanba kuni Rabi‘ul-avval oyining onida Agraga keldi.
Turkish
Pazartesi, rebiyülevvel ayının onunda Agra’ya geldi.
Chagatay
جلد کیلدی
Latin transcription
Jald keldi.
Turkish
Hızlı geldi.
Chagatay
ینه بیر قتله هم اوشبو بویان شیخ قلعه ظفردین قندهارغه اون بیر کونده باریب ایدی
Latin transcription
Yana bir qatla ham ushbu Buyon Shayx Qal‘ai Zafardin Qandahorg‘a on bir kunda borib edi.
Turkish
Daha önce de aynı Buyan Şeyh Kale-i Zafer’den Kandahar’a on bir günde gitmişti.
Chagatay
شاه زاده نیک کیلکانی نیک و اوزبیک نیک شکست تاپقانی نیک خبرینی بویان شیخ کیلتوردی
Latin transcription
Shohzodaning kelganining va O‘zbekning shikast topqonining xabarini Buyon Shayx kelturdi.
Turkish
Şehzadenin geldiği ve Özbeklerin yenildiği haberini Buyan Şeyh getirdi.
Chagatay
تفصیل بودور کیم شاه زاده طهماس عراق دین قیرق میک کیشی بیله روم دستوری تفنک و ارابه ترتیب قیلیب تیز اوق یوروب کیلیب بسطام و دامغان دا رینیش اوزبیک نی الیب ایلی بیله قیریب تیز اوق اوتار
Latin transcription
Tafsil budur kim Shohzoda Tahmos Iroq-din qirq ming kishi bila Rum dasturi tufak-u aroba tartib qilib tez o‘q yurub kelib Bistom va Domg‘onda Rinish O‘zbekni olib eli bila qirib tez o‘q o‘tar.
Turkish
Ayrıntısı şöyledir: Şehzade Tahmas Irak’-tan kırk bin kişiyle, Osmanlı usulünce tüfek ve araba düzeni kurarak hızla yürüyüp geldi. Bistam ve Damgan’da Riniş Özbek’i yakalayıp adamlarıyla birlikte öldürerek hızla geçer.
Chagatay
کوپک بیک نیک اوغلی قنبر علی نی هم قزیلباش ادمی باسار
Latin transcription
Ko‘pak Begning o‘g‘li Qanbar Alini ham Qizilbosh odami bosar.
Turkish
Köpek Beg’in oğlu Kanber Ali’yi de Kızılbaş askeri yener.
Chagatay
ازاغلاق کیشی بیله عبید خان قاشیده کیلور
Latin transcription
Ozog‘loq kishi bila Ubayd Xon qoshida kelur.
Turkish
Az sayıda adamla Ubeyd Han’ın yanına gelir.
Chagatay
عبید خان هری نواحی سیده توروش یراغینی تاپمای جمیع بلخ و حصار و سمرقند و تاشکند داغی خان و سلطان لارغه قدغه بیله کیشی لار چاپتوروب اوزی مروغه کیلور
Latin transcription
Ubayd Xon Hari navohisida turush yarog‘ini topmay jami‘ Balx va Hisor va Samarqand va Toshkanddog‘i xon-u sulton larg‘a qodog‘a bila kishilar chopturub o‘zi Marvg‘a kelur.
Turkish
Ubeyd Han, Herat yöresinde durmaya imkân bulamayarak Belh, Hisar, Semerkant ve Taşkent’teki bütün han ve sultan-lara kesin emirle adamlar koşturup kendisi Merv’e gelir.
Chagatay
بت اوق ییغیلورلار
Latin transcription
Bat o‘q yig‘ilurlar.
Turkish
Çabucak toplanırlar.
Chagatay
تاشکند تین سیونچک خان نیک اولوغیدین کیچیکراک اوغلی باراق سلطان سمرقند و میان کال دین کوچوم خان و ابوسعید سلطان و پولاد سلطان و جانی بیک سلطان اوغلانلری بیله و حصاردین حمزه سلطان بیله مهدی سلطان و جمیع سلطانلار بت اوق باریب مرو ده عبید خان بیله ملحق بولورلار
Latin transcription
Toshkandtin Sevinchak Xonning ulug‘idin kichikrak o‘g‘li Boroq Sulton, Samarqand-u Miyon Koldin Ko‘chum Xon va Abu Sa‘id Sulton va Po‘lod Sulton va Joni Beg Sulton o‘g‘lonlari bila va Hisordin Hamza Sulton bila Mahdi Sulton va jami’ sultonlar bat o‘q borib Marvda Ubayd Xon bila mulhaq bo‘lurlar.
Turkish
Taşkent’ten Sevinçek Han’ın büyük oğlundan bir küçük oğlu Barak Sultan, Semerkant ve Miyan Kal’dan Köçüm Han, Ebu Said Sultan, Pulad Sultan ve Cani Bey Sultan’ın oğullarıyla, Hisar’dan Hamza Sultan ile Mehdi Sultan ve bütün sultanlar hemen gidip Merv’de Ubeyd Han’a katılırlar.