Chagatay
پنجشنبه کونی اینینک اون ایکی سیده اولاماق خیالی بیله اتلاندیم
Latin transcription
Panjshanba kuni oyining o‘n ikisida ovlamoq xayoli bila otlandim.
Turkish
Perşembe günü, ayın on ikisinde avlanmak niyetiyle atlandım.
ColumnsLanguages
Text views
Bookmarks (0)
Open a passage to bookmark it.
Saved in this browser.Manuscript folio 339a
Choose languages
Page 676 of 762
Chagatay
آدینه کونی محرم اینینک اوچیده عسکری کیم چندیری یوروشیدین بورونراق ملتان مصلحتیغه تیلاب ایدیم کیلیب خلوتخانه ده ملازمت قیلدی
Latin transcription
Odina kuni Muharram oyining uchida Askariy, kim Chanderi yurushidin burunroq Multon maslahatig‘a tilab edim, kelib xilvatxonada mulozamat qildi.
Turkish
Cuma günü, muharrem ayının üçünde, Çanderi seferinden önce Multan işi için çağırdığım Askerî gelip özel dairede huzuruma çıktı.
Chagatay
تانکلاسی خواندمیر مورخ و مولانا شهاب معمایی و میر ابراهیم قانونی یونس علی نینک قرابتی کیم مدت مدید ایدی کیم ملازمت داعیه سی بیله هری دین چیقیب ایدیلار کیلیب ملازمت قیلدیلار
Latin transcription
Tonglasi Xondamir muvarrix va Mavlono Shihob Muammoiy va Mir Ibrohim Qonuniy, Yunus Alining qarobati, kim muddat-i madid edi kim mulozamat do’iyasi bila Heridin chiqib edilar, kelib mulozamat qildilar.
Turkish
Ertesi gün tarihçi Handemir, Mevlâna Şihab Muammaî ve Yunus Ali’nin akrabası Mir İbrahim Kanunî, uzun zamandır hizmetime girmek niyetiyle Herat’tan çıkmışlardı; gelip huzuruma çıktılar.
Chagatay
یکشنبه ذکر ای نینک بیشیده گوالیار سیری داعیه سی بیله کیم کتابلارده گالیور بیتیرلار جون دین کیچیپ اگره قلعه سیغه کیریب فخر جهان بیکم بیله خدیجه سلطان بیکم بیله کیم اوشول ایکی اوچ کونده کابلغه عزیمت قیلماقچی ایدیلار خیرباد قیلیب اتلاندیم
Latin transcription
yakshanba zikr oyining beshida Gvoliyor sayri do’iyasi bila, kim kitoblarda Goliyur bitirlar, Jundin kechib Agra qal’asig‘a kirib Faxr-i Jahon Begim bila Xadicha Sulton Begim bila, kim ushul ikki uch kunda Kobulg‘a azimat qilmoqchi edilar, xayrbod qilib otlandim.
Turkish
Pazar, adı geçen ayın beşinde Gvaliyar’ı gezmek niyetiyle, ki kitaplarda Galiyur yazarlar, Cun’u geçip Agra kalesine girerek Fahr-i Cihan Begim ve Hatice Sultan Begim’le, ki o iki üç gün içinde Kabil’e gitmek niyetindeydiler, vedalaşıp atlandım.
Chagatay
محمد زمان میرزا رخصت تیلاب اگره ده قالدی
Latin transcription
Muhammad Zamon Mirzo ruxsat tilab Agrada qoldi.
Turkish
Muhammed Zaman Mirza izin isteyip Agra’da kaldı.
Chagatay
اوشول کیچه اوچ تورت کروه یول یوروب بر کول یقاسیده توشوب اویقولادوک
Latin transcription
Ushul kecha uch to‘rt kuro‘h yo‘l yurub bir ko‘l yaqosida tushub uyquloduq.
Turkish
O gece üç dört kürûh yol gidip bir göl kıyısına konarak uyuduk.
Chagatay
نمازنی ایرترراک اوتاب اتلاندوک
Latin transcription
Namozni ertarroq o‘tab otlanduq.
Turkish
Namazı daha erkence kılıp atlandık.
Chagatay
گنبیر سویی نینک یقاسیده توشلانیب نماز پیشین اندین اتلانیب یولدا ملا رفیع یاساغان سفوفنی کیفیت اوچون تالغان بیله چالیب ایچتوک
Latin transcription
Gambir suyining yaqosida tushlanib namoz-i peshin andin otlanib yo‘lda Mullo Rafi’ yosog‘on safufni kayfiyat uchun tolg‘on bila cholib ichtuk.
Turkish
Gambir suyunun kıyısında öğle molası verip öğle namazında oradan hareket ettik. Yolda Molla Refî’nin hazırladığı toz ilacı keyif vermesi için kavrulmuş unla karıştırıp içtik.
Chagatay
بسیار بدخور و بی مزه بولدی
Latin transcription
Bisyor badxo‘r u be-maza bo‘ldi.
Turkish
Çok kötü içimli ve tatsız oldu.
Chagatay
کیچ نماز دیگر دولپور نینک بر کروه یده غرب ساری باغ و عمارتغه کیم بیورولوب ایدی کیلیب توشتوم
Latin transcription
Kech namoz-i digar Dulpurning bir kuro‘hida g‘arb sori bog‘ u imoratig‘a kim buyurulup edi kelib tushtum.
Turkish
Geç ikindide Dulpur’un bir kürûh batısındaki bahçe ve yapıya yapılması emredilmişti; gelip indim.