Languages
Chagatay
مانسنی سوینینک یاقاسیغه توشولدی مهدی خواجه نینک هم خیلی تشویشی بار ایدی کابلغه رخصت بیریلدی بیانه نینک شقدارلیغنی دوست ایشیک آقاغه بیریلدی بورون چون ایتاوه نی مهدی خواجه غه آتالیب ایدی قطب خان کیم ایتاوه نی تاشلاب قاچیب چیقتی مهدی خواجه نینک اورنیغه اوغلی جعفر خواجه نی ایتاوه غه یباریلدی همایونغه رخصت بیرور جهتیدین ایکی اوچ کون بو یورتتا تورولدی اوشبو یورتتین مؤمن علی تواچی نی فتح نامه بیله کابلغه یباریلدی فیروزپورنینک چشمه سینینک و کوتله نینک اولوغ کولی نینک تعریفینی ایشیتیلیب ایدی هم همایوننی اوزاته و هم بو ییرلارنی سیر قیله یکشنبه کونی اوردونی اوشول ییرده قویوب
Latin transcription
Monasni suyining yoqasig‘a tushuldi. Mahdi Xojaning ham xayli tashvishi bor edi Kobulg‘a ruxsat berildi. Bayonaning shiqdorlig‘ini Do‘st Eshik Og‘og‘a berildi Burun chun Itovani Mahdi Xojag‘a otolib edi Qutb Xon kim Itovani toshlab qochib chiqti Mahdi Xojaning o‘rnig‘a o‘g‘li Ja‘far Xojani Itovag‘a yibarildi Humoyung‘a ruxsat berur jihatidin iki uch kun bu yurtta turuldi. Ushbu yurttin Mu’min Ali Tavochini fathnoma bila Kobulg‘a yibarildi. Firuzpurning chashmasining va Ko‘tlaning ulug‘ ko‘lining ta‘rifini eshitilib edi. Ham Humoyunni uzota va ham bu yerlarni sayr qila yakshanba kuni urduni ushul yerda qo‘yub
Turkish
Manasni suyunun kıyısına indik. Mehdi Hoca da epey kaygılıydı. Kabil’e gitmesine izin verildi. Biyana şıkdarlığı Dost Eşik Ağa’ya verildi. Daha önce İtava Mehdi Hoca’ya verilmişti. Kutb Han’ın İtava’yı bırakıp kaçması üzerine Mehdi Hoca’nın yerine oğlu Cafer Hoca İtava’ya gönderildi. Hümayun’a izin verme işi yüzünden iki üç gün bu konakta kaldık. Bu konaktan Mümin Ali Tavacı’yı fetihnameyle Kabil’e gönderdik. Firuzpur’un pınarının ve Kutla’nın büyük gölünün övgüsünü duymuştuk. Hem Hümayun’u uğurlamak hem de buraları gezmek için pazar günü orduyu aynı yerde bırakıp