Chagatay
تنکری تعالی نینک عنایتی بار ایگاندور کیم منکا یانکی باشدین جان باغیشلادی
Latin transcription
Tengri taoloning inoyati bor ekandur kim manga yangi boshdin jon bag‘ishladi.
Turkish
Yüce Tanrı’nın inayeti varmış ki bana yeniden can bağışladı.
ColumnsLanguages
Text views
Bookmarks (0)
Open a passage to bookmark it.
Saved in this browser.Manuscript folio 307a
Choose languages
Page 612 of 762
Chagatay
مونونک شکرینی نی تیل بیله قیلغای مین
Latin transcription
Munung shukrini ne til bila qilg‘oymen?
Turkish
Bunun şükrünü hangi dille edeyim?
Chagatay
خاطرلارغه تردد کیچماکای دیب هر نی واقع بولغاننی شرح و بسطی بیله بیتیدیم
Latin transcription
Xotirlarg‘a taraddud kechmagay deb har ne voqi’ bo‘lg‘onni sharh va basti bila bitidim.
Turkish
Gönüllere kaygı düşmesin diye olup biteni ayrıntısıyla yazdım.
Chagatay
اکرچی تیلکه آغیزغه سیغغوسیز قورقودیک واقعه ایدی
Latin transcription
Agarchi tilga og‘izg‘a sig‘g‘usiz qo‘rqu dek voqia edi.
Turkish
Gerçi dile ağza sığmayacak kadar korkunç bir olay idi.
Chagatay
شکر تنکریکه یانه کون کورار وقتیم بار ایکاندور
Latin transcription
Shukr Tengriga, yana kun ko‘rar vaqtim bor ekandur.
Turkish
Tanrı’ya şükür, daha yaşayacağım günler varmış.
Chagatay
خیر و خوبلوق بیله اوتتی
Latin transcription
Xayr va xo‘bluq bila o‘tti.
Turkish
Hayır ve iyilikle geçti.
Chagatay
هیچ دغدغه و تردد خاطرلارنکیزغه کیچورمانک دیب سشنبه کونی ربیع الاول آی نینک یکیرمه سیده چهار باغ دا ایروردا بیتیلدی
Latin transcription
Hech dag‘dag‘a va taraddud xotirlaringizg‘a kechurmang deb seshanba kuni Rabi’ ul-avval oyining yigirma sida Chahorbog‘da erurda bitildi.
Turkish
Hiç endişe ve kaygı duymayın, diye salı günü rebiyülevvel ayının yirmi sinde Çarbağ’da bulunurken yazıldı.
Chagatay
بولاردین فارغ بولوب بو بیتیلکان خطنی کابلغه ییباریلدی
Latin transcription
Bulardin forig‘ bo‘lub bu bitilgan xatni Kobulg‘a yiborildi.
Turkish
Bunlardan boşalınca bu yazılmış mektup Kâbil’e gönderildi.
Chagatay
چون مونداق اولوغ کناه بوای بدبخت تین سر براوردی یونس علی بیله خواجه که اسدقه توتتورولدی
Latin transcription
Chun mundoq ulug‘ gunoh Buvoyi badbaxttin sar barovardi, Yunus Ali bila Xojaka Asadqa tutturuldi.
Turkish
Uğursuz Buva’dan böyle büyük bir suç ortaya çıktığı için, Yunus Ali ve Hoca Esed’e tutuklatıldı.
Chagatay
نقد و جنس و قول دادکی نی آلغاندین سونکرا عبدالرحیم شقاولغه تابشورولدی کیم احتیاط بیله ساخلا‌غای
Latin transcription
Naqd va jins va qul-dodakini olg‘ondin so‘ngra Abdurrahim Shiqovulg‘a topshuruldi kim ehtiyot bila saqlag‘oy.
Turkish
Parasını, malını, erkek ve kadın kölelerini aldıktan sonra, sıkı gözetimde tutması için Abdürrahim Şıkavul’a teslim edildi.
Chagatay
بوانینک نبیره سی ابراهیم نینک اوغلینی کیم خیلی تعظیم و احترام بیله نگاه داشت قیلیلور ایدی چون مونداق قصدی بو طبقه دین صادر بولدی ابراهیم نینک اوغلینی موندا ساخلا‌ماقنینک صلاحینی کورمای پنجشنبه کونی ربیع الاول آی نینک یکیرمه توقوزیده ملا سرسانغه کیم کامران قاشیدین بعضی ایش و کوچ اوچون کیلیب ایدی قوشوب کامرانغه ییباریلدی
Latin transcription
Buvoning nabirasi Ibrohimning o‘g‘lini kim xayli ta’zim va ehtirom bila nigohdosht qililur edi, chun mundoq qasdi bu tabaqadin sodir bo‘ldi, Ibrohimning o‘g‘lini munda saqlamoqning salohini ko‘rmay, panjshanba kuni Rabi’ ul-avval oyining yigirma to‘qquzida Mullo Sarsong‘a kim Komron qoshidin ba’zi ish va kuch uchun kelib edi qo‘shub Komrong‘a yiborildi.
Turkish
Buva’nın torunu, İbrahim’in oğlu, büyük saygı ve hürmetle korunup gözetiliyordu. Bu zümreden böyle bir suikast çıktığı için İbrahim’in oğlunu burada tutmayı uygun görmeyerek perşembe günü, rebiyülevvel ayının yirmi dokuzunda Kâmran’ın yanından bazı işler için gelmiş olan Molla Sersan’a katarak Kâmran’a gönderildi.
Chagatay
همایون کیم پورب یاغی باغی لار اوستیکه باریب ایدی جونپور فتح قیلیب غازی پورغه ناصر خان نینک اوستیکه ایلدَم باردی
Latin transcription
Humoyun kim Purab yog‘i bog‘iylar ustiga borib edi, Junpur fath qilib G‘ozipurga Nosir Xonning ustiga ildam bordi.
Turkish
Purab’daki düşman ve isyancılar üzerine gitmiş olan Hümayun, Cunpur’u fethedip hızla Gazipur’a, Nasır Han’ın üzerine yürüdü.