Demir Barlas
Open a passage to bookmark it.
Saved in this browser.بو بیانه داغی نظام خان نینک بر آغاسی عالم خان آتلیق تهنکر قورغانیده ایدی انینک کیشی لاری مکرر کیلیب قولوق و دولتخواهلیغینی عرضغه یتکوردی لار
Bu Biyonadag‘i Nizom Xonning bir og‘osi Olim Xon otliq Tahangar qo‘rg‘onida edi, aning kishilari mukarrar kelib qulluq va davlatxohlig‘ini arzg‘a yetkurdilar.
Biyane’deki Nizam Han’ın Âlem Han adlı bir ağabeyi Tehenger kalesindeydi; adamları tekrar tekrar gelip bağlılığını ve iyi dileklerini bildirdiler.
بو عالم خان اوزیکه آلدی کیم پادشاه دین فوج تعیین بولسه جمیع بیانه ترکش بندلارنی وعده و استمالت بیله کیلتورماک و بیانه قورغانینی ایلیکلماک منکا تیکدی
Bu Olim Xon o‘ziga oldi kim podshohdin favj ta’yin bo‘lsa jami’ Biyona tarkashbandlarni va’da va istimolat bila kelturmak va Biyona qo‘rg‘onini eliglamak manga tegdi.
Bu Âlem Han şunu üstlendi: Padişah bir birlik görevlendirirse bütün Biyane okçularını vaat ve gönül alma yoluyla getirmek ve Biyane kalesini ele geçirmek bana düşer.
بو مقرر بولغان توردی بیک باشلیغ ایلغار یکیت لاریغه فرمان بولدی کیم عالم خان چون ییرلیک کیشیدور بو نوع قولوق و خدمتکارلیغنی اوزیکه آلادور
Bu muqarrar bo‘lg‘on Turdi Beg boshlig‘ ilg‘or yigitlariga farmon bo‘ldi kim Olim Xon chun yerlik kishidur, bu nav’ qulluq va xizmatkorlig‘ni o‘ziga oladur.
Görevlendirilen Turdı Bey başkanlığındaki akıncı yiğitlere emir verildi: Âlem Han yöreyi bilen biridir; bu tür bağlılık ve hizmeti üstleniyor.
بیانه مصلحتیده انینک صلاح و صوابدیدی بیله عمل قیلینک
Biyona maslahatida aning saloh va savobdidi bila amal qiling.
Biyane işinde onun uygun gördüğü ve doğru bulduğu biçimde hareket edin.
هندوستان ایلی اکرچی بعضی قیلیچ چاپغای ولی اکثر سپاهی لیق راه و روشیدین و سردارلیق یوروش و توروشیدین عاری و بی بهره دورلار
Hinduston eli agarchi ba’zisi qilich chopqoy, vali aksari sipohiliq roh va ravishidin va sardorliq yurush va turushidin ori va bibahradurlar.
Hindistan halkından bazıları kılıç kullansa da çoğu askerlik usulünden ve komutanlığın yürüyüş ve duruş düzeninden habersizdir.
بو عالم خان غه کیم بیزینک ایلغار قوشولور هیچ کیشینک سوزیکه باقمای ایشنینک یخشی یمانی نی ملاحظه قیلمای بیانه غه بو ایلغارنی یاووق آلیب بارور
Bu Olim Xong‘a kim bizning ilg‘or qo‘shulur, hech kishining so‘ziga boqmay, ishning yaxshi yomonini mulohaza qilmay, Biyonag‘a bu ilg‘orni yovuq olib borur.
Bu Âlem Han’a bizim akıncılar katılınca, kimsenin sözüne bakmadan, işin iyisini kötüsünü düşünmeden bu akıncıları Biyane yakınına götürür.
بیزینک بارغان ایلغار ترک دین ایکی یوز ایلیک اوچ یوزکه یاووشور ایدی
Bizning borg‘on ilg‘or Turkdin ikki yuz ellik uch yuzga yovushur edi.
Gönderdiğimiz akıncılar arasında Türklerden iki yüz elli, üç yüze yakın kişi vardı.
هندوستانی دین و اطرافی چریک دین ایکی مینک دین بر نیمه کوبراک بولغای ایدی
Hindustonidin va atrofi cherigdin ikki mingdin bir nima ko‘prak bo‘lg‘oy edi.
Hindistanlılardan ve çevre kuvvetlerinden iki binden biraz fazla olmalıydı.
نظام خان و بیانه داغی افغان و سپاهی تورت مینک دین کوپراک آتلیق چریک بار ایدی
Nizom Xon va Biyonadag‘i afg‘on va sipohi to‘rt mingdin ko‘prak otliq cherik bor edi.
Nizam Han ile Biyane’deki Afgan ve askerlerin dört binden fazla atlı askeri vardı.
ییاغی خود اون مینک دین هم کوپراک ایدی
Yayog‘i xud o‘n mingdin ham ko‘prak edi.
Yayaları ise on binden de fazlaydı.
بولارنی کوروب بیلیب اوشبو مذکور بولغان آتلیق ییاغ چریکی بیله تیز اوق بولارنینک اوستیکه چیقار
Bularni ko‘rub bilib ushbu mazkur bo‘lg‘on otliq yayog‘ cherigi bila tez-o‘q bularning ustiga chiqar.
Bunları görüp anlayınca, sözü edilen atlı ve yaya askerleriyle hemen bunların üzerine çıkar.