Chagatay
سمرقند و خراسان داغی مشایخ قه نذور باردی
Latin transcription
Samarqand va Xuroson-dag‘i mashoyixqa nuzur bordi.
Turkish
Semerkant ve Horasan-daki şeyhlere adaklar gitti.
ColumnsLanguages
Aa
Text views
Bookmarks (0)
Open a passage to bookmark it.
Saved in this browser.Manuscript folio 294a
Choose languages
Page 586 of 762
Chagatay
مکه و مدینه غه هم نذر باردی
Latin transcription
Makka va Madinag‘a ham nazr bordi.
Turkish
Mekke ve Medine’ye de adak gitti.
Chagatay
کابل ولایتی بیله ورسک صده سی نینگ جاندار باشیغه ایردین و خاتون دین و بنده و آزاد دین بالغ و نابالغ دین بیرر شاهرخی انعام بولدی
Latin transcription
Kobul viloyati bila Varsak sadasining [?] jondor boshig‘a, erdin va xotundin va banda va ozoddin, bolig‘ va nobolig‘din birar shohruhi in’om bo‘ldi.
Turkish
Kâbil vilayetiyle Versek sada’sında [bölge/birlik adı?] yaşayan herkese, erkek ve kadın, köle ve özgür, yetişkin ve çocuk, birer şahruhî bağışlandı.
Chagatay
بیز اول اکره کا کیلدکاندا بیزنینک ایل بیله بو ایل نینگ اراسیدا غریب مغایرت و منافرت ایدی
Latin transcription
Biz avval Agrag‘a kelganda bizning el bila bu elning orasida g‘arib mug‘oyarat va munofarat edi.
Turkish
Agra’ya ilk geldiğimizde bizim halkımızla buradaki halk arasında garip bir ayrılık ve düşmanlık vardı.
Chagatay
سپاهی و رعیتی بیزنینک ایل دین قیر قیر قاچارلار ایدی
Latin transcription
Sipohi va raiyati bizning eldin qir-qir qocharlar edi.
Turkish
Askeri de halkı da bizim insanlarımızdan kaçıp duruyordu.
Chagatay
بیر دلی و اکره دین اوزکه جمیع قورغانلیق ییرلار قورغان لاری نی بیرکیتیب اطاعت و انقیاد قیلمادلار
Latin transcription
Bir Dilli va Agra-din o‘zga jami’ qo‘rg‘onliq yerlar qo‘rg‘onlarini berkitib itoat va inqiyod qilmadilar.
Turkish
Delhi ve Agra dışındaki bütün kaleli yerler kalelerini sağlamlaştırıp boyun eğmediler.
Chagatay
سنبل دا قاسم سنبلی ایدی
Latin transcription
Sanbalda Qosim Sanbali edi.
Turkish
Senbel’de Kasım Senbelî vardı.
Chagatay
بیانه دا نظام خان ایدی
Latin transcription
Biyonada Nizom Xon edi.
Turkish
Biyane’de Nizam Han vardı.
Chagatay
میوات تا خود حسن خان میواتی ایدی
Latin transcription
Mivotta xud Hasan Xon Mivoti edi.
Turkish
Mevat’ta ise Hasan Han Mevatî vardı.
Chagatay
بو شر و شورنی باشلاغان تمام اوشول ملحد مردک ایدی
Latin transcription
Bu sharr-u sho‘rni boshlag‘on tamom ush ul mulhid mardak edi.
Turkish
Bütün bu kargaşayı başlatan o dinsiz herifti.
Chagatay
دولپور دا محمد زیتون ایدی
Latin transcription
Dulpurda Muhammad Zaytun edi.
Turkish
Dulpur’da Muhammed Zeytun vardı.
Chagatay
کوالیاردا تاتار خان سارنگخانی ایدی
Latin transcription
Guvolyorda Totor Xon Sorangxoni edi.
Turkish
Guvalyar’da Tatar Han Sarenghanî vardı.
Chagatay
رابیری دا حسین خان نوحانی خان ایدی
Latin transcription
Robirida Husayn Xon Nuhoni Xon edi.
Turkish
Rabiri’de Hüseyin Han Nuhanî Han vardı.
Chagatay
ایتاوه دا قطب خان ایدی
Latin transcription
Etova-da Qutb Xon edi.
Turkish
Etave-de Kutub Han vardı.
Chagatay
کالپی دا عالم خان ایدی
Latin transcription
Kolpida Olam Xon edi.
Turkish
Kalpi’de Âlem Han vardı.
Chagatay
قنوج و کنگ نینگ ناری یوزی خود تمام مخالف افغان لاردا ایدی
Latin transcription
Qanuj va Gangning nori yuzi xud tamom muxolif afg‘onlarda edi.
Turkish
Kanuc ve Ganj’ın öte yakası bütünüyle muhalif Afganların elindeydi.
Chagatay
مثل نصیر خان نوحانی و معروف فرمولی و ینه قالین امرا ایدی
Latin transcription
Masal Nosir Xon Nuhoni va Ma’ruf Farmuli va yana qalin umaro edi.
Turkish
Nasır Han Nuhanî, Maruf Fermulî ve daha birçok emir vardı.
Chagatay
ابراهیم نی باسقان فرصت قنوج و اندین نارغی جمیع ولایت لارغه قابض بولوب قنوج دین بیر ایکی کوچ بیراک کیلیب اولتوروب ایدیلار
Latin transcription
Ibrohimni bosqon fursat Qanuj va andin norg‘i jami’ viloyatlarg‘a qobiz bo‘lub Qanujdin bir ikki ko‘ch beriroq kelib olturub edilar.
Turkish
İbrahim’i yendiğim sırada Kanuc’u ve onun ötesindeki bütün vilayetleri ele geçirip Kanuc’tan bir iki konak bu tarafa gelip yerleşmişlerdi.
Chagatay
دریا خان نینگ اوغلی بهار خان نی بادشاه قیلیب سلطان محمد لقب قویوب ایدیلار
Latin transcription
Daryo Xonning o‘g‘li Bahor Xon-ni podshoh qilib Sulton Muhammad laqab qo‘yub edilar.
Turkish
Derya Han’ın oğlu Bihar Han’ı hükümdar yapıp Sultan Muhammed adını vermişlerdi.