Demir Barlas
Open a passage to bookmark it.
Saved in this browser.هندوستان ولایتی نینگ ییری نینگ و ایلی نینگ خصوصیتی و کیفیتی اولچه معلوم و مشخص بولوب ایدی مذکور و مسطور بولدی
Hinduston viloyatining yerining va elining xususiyati va kayfiyati ulcha ma’lum va mushaxxas bo‘lub edi, mazkur va mastur bo‘ldi.
Hindistan ülkesinin toprağının ve halkının özellikleri hakkında bilinen ve belirlenmiş şeyler anlatılıp yazıldı.
موندین سونک ینه بیتیلکو دیک نیمه نظرغه کیلسه تحریر قیلغوم دور ایشتیلکو دیک نیمه ایشتیلسه تقریر قیلغوم دور
Mundin so‘ng yana bitilgu dek nima nazarg‘a kelsa tahrir qilg‘umdur, eshitilgu dek nima eshitilsa taqrir qilg‘umdur.
Bundan sonra yazılacak bir şey gözüme ilişirse yazacağım; duyulmaya değer bir şey işitilirse anlatacağım.
دوشنبه کونی رجب آیی نینک یکیرمه توقوزیده خزانه نی کورماک و اولشماک بنیاد بولدی
Dushanba kuni Rajab oyi-ning yigirma to‘qquzida xizonani ko‘rmak va ulashmak bunyod bo‘ldi.
Pazartesi, Recep ayı-nın yirmi dokuzunda hazineyi gözden geçirmeye ve dağıtmaya başlandı.
همایون غه یتمیش لک خزانه دین بیریلدی
Humoyung‘a yetmish lak xizonadin berildi.
Hümayun’a yetmiş lek hazineden verildi.
ینه بیر بیلمکان تحقیق قیلماغان خزانه اویی نی اوشانداق اوق همایون غه انعام قیلدیم
Yana bir bilmagan, tahqiq qilmag‘on xizona uyini ushandoq o‘q Humoyung‘a in’om qildim.
Ayrıca bilinmeyen ve içindekiler incelenmemiş bir hazine odasını da olduğu gibi Hümayun’a armağan ettim.
ینه بعضی بیکلرکا اون لک و بعضی لارکا سیکیز لک یتی لک آلتی لک بیریلدی
Yana ba’zi beglarga o‘n lak va ba’zilarig‘a sekiz lak, yeti lak, olti lak berildi.
Bazı beylere on lek, bazılarına sekiz lek, yedi lek, altı lek verildi.
جمیع چریکته بولغان افغان هزاره و عرب و بلوچ هر جماعت قه قدر حالی لاریغه یراشه خزانه دین نقد انعام لار بولدی
Jami’ cherikta bo‘lg‘on Afg‘on, Hazora va Arab va Baluch har jamoatqa qadr-i hollarig‘a yarasha xizonadin naqd in’omlar bo‘ldi.
Orduda bulunan bütün Afgan, Hezare, Arap ve Beluç topluluklarına durumlarına uygun olarak hazineden nakit armağanlar verildi.
هر سودا کر و طالب علم و بلکه هر کیشی کیم بو چریکته همراه ایدیلر بارچه انعام و بخشش دین خط وافر و نصیب کامل ایتی لار
Har savdo-gar va tolib-i ilm va balki har kishi kim bu cherikta hamroh edilar, barcha in’om va baxshishdin hazz-i vofir va nasib-i komil ettilar.
Her tüccar ve öğrenci, hatta bu sefere katılan herkes, armağan ve bağışlardan bolca pay alarak tam nasiplerini elde ettiler.
چریکته بولماغان لارغه هم بو خزانه دین قالین انعام و بخشش لار باردی
Cherikta bo‘lmag‘onlarg‘a ham bu xizonadin qalin in’om va baxshishlar bordi.
Orduya katılmayanlara da bu hazineden bol armağan ve bağış gitti.
مثل کامران غه اون یتی لک محمد زمان میرزا غه اون بیش لک عسکری غه و هندال غه و بلکه جمیع اوروق قیاس اوغلان اوشاق قه قالین قیزیل دین آق تین رخت تین جواهر دین برده دین ساوغات لار باردی
Masal Komrong‘a o‘n yeti lak, Muhammad Zamon Mirzog‘a o‘n besh lak, Askarig‘a va Hindolg‘a va balki jami’ uruq-qiyosh, o‘g‘lon-ushoqqa qalin qizildin, oqtin, raxttin, javohirdin, bardadin sovg‘otlar bordi.
Örneğin Kâmran’a on yedi lek, Muhammed Zaman Mirza’ya on beş lek; Askerî’ye, Hindal’e ve bütün akrabalara, çoluk çocuğa bol altın, gümüş, eşya, mücevher ve kölelerden armağanlar gitti.
اول یوزداکی بیکلار کا و سپاهی لارغه قالین انعام لار باردی
Ul yuzdagi beglar-ga va sipohilarg‘a qalin in’omlar bordi.
Öte taraftaki bey-lere ve sipahilere bol armağan gönderildi.
سمرقند و خراسان دا کاشغر و عراق قه اوروق قیاس اوچون ساوغات لار ییبارلدی
Samarqand va Xuroson-da, Koshg‘ar va Iroqqa uruq-qiyosh uchun sovg‘otlar yiborildi.
Semerkant ve Horasan-a, Kaşgar’a ve Irak’a akrabalar için armağanlar gönderildi.