Chagatay
نی یالغوز یا جامه و کتاب و رخت و متاع قه باریغه تاثیر قیلادور
Latin transcription
Ne yolg‘uz yo, joma va kitob va raxt va mato‘qa borig‘a ta’sir qiladur.
Turkish
Yalnız yaya değil, giysi, kitap, eşya ve malların hepsine etki eder.
ColumnsLanguages
Aa
Text views
Bookmarks (0)
Open a passage to bookmark it.
Saved in this browser.Manuscript folio 291b
Choose languages
Page 581 of 762
Chagatay
عمارت هم کوپ تورمایدور
Latin transcription
Imorat ham ko‘p turmaydur.
Turkish
Yapılar da uzun süre dayanmaz.
Chagatay
پشکال دین باشقه هم قیش و یاز یخشی هوا لاردور ولی شمال ییلی همیشه قوپادور
Latin transcription
Pashkol-din boshqa ham qish va yoz yaxshi havolardur, vale shimol yeli hamisha qo‘padur.
Turkish
Yağmur mevsimi dışında kışın ve yazın hava güzeldir; fakat kuzey rüzgârı sürekli eser.
Chagatay
کرد و خاک خیلی بولادور
Latin transcription
Gard-u xok xayli bo‘ladur.
Turkish
Toz toprak çok olur.
Chagatay
یازلاردا ثور و جوزاده پشکال غه یوق بو ییل ییلدا تورت بیش نوبت بسیار تند قوپادور
Latin transcription
Yozlarda Savr va Javzoda pashkolg‘a yovuq bu yel yilda to‘rt besh navbat bisyor tund qo‘padur.
Turkish
Yazın, Boğa ve İkizler burçlarında, yağmur mevsimine yakın bu rüzgâr yılda dört beş kez çok sert eser.
Chagatay
انداق کیم کرد و خاک اول مرتبه دا بولادور کیم بیر بیرینی کوروب بولمایدور
Latin transcription
Andoq kim gard-u xok ul martabada bo‘ladur kim bir birini ko‘rub bo‘lmaydur.
Turkish
Öyle toz toprak kalkar ki insanlar birbirlerini göremez olur.
Chagatay
مونی اندهی دیدورلار
Latin transcription
Muni andhi deydurlar.
Turkish
Buna andhi derler.
Chagatay
جوزادا ایسیق بولادور ولی انچه بی اعتدال ایسیق ایماستور
Latin transcription
Javzoda issiq bo‘ladur, vale ancha be-e’tidol issiq emastur.
Turkish
İkizler burcunda hava sıcak olur; fakat o kadar aşırı sıcak değildir.
Chagatay
بلخ و قندهار نی ایسقی نینگ چو یوغتور و امتدادی خود اول ییرلر یاریمیچه بولغای
Latin transcription
Balx va Qandahorning issig‘ining chu yo‘qtur va imtidodi xud ul yerlar yarimicha bo‘lg‘oy.
Turkish
Belh ve Kandahar sıcağıyla karşılaştırılamaz; süresi de oralardakinin yarısı kadardır.
Chagatay
ینه بیر لطافتی بودور کیم هر صنف دین و هر حرفه کردین بی حد و بی نهایت تور
Latin transcription
Yana bir latofati budur kim har sinfdin va har hirfagardin be-hadd va be-nihoyattur.
Turkish
Bir başka güzel yanı da şudur: her sınıftan ve her zanaattan insan sayısızdır.
Chagatay
هر ایش اوچون و هر نیمه اوچون جمعی مقرر و معین دور کیم آتا آتالاری دین بیری اول ایش و اول نیمه نی قیلا کیلدورلار
Latin transcription
Har ish uchun va har nima uchun jam’i muqarrar va muayyan-dur kim ota otalaridin beri ul ish va ul nimani qila keldurlar.
Turkish
Her iş ve her şey için belirli bir topluluk vardır; atalarından beri o işi yapagelmişlerdir.
Chagatay
نیچوک کیم ظفرنامه دا تیمور بیک نینگ مسجد سنگین عمارتی نی قیلوردا ملا شرف مونداق مبالغه بیله بیتیب تور کیم آذربایجان و فارس و هندوستان و ینه اوزکه ممالک سنگ تراش لاری دین هر کوندا ایکی یوز کیشی مسجد تا ایش قیلورلار ایدی
Latin transcription
Nechuk kim Zafarnomada Temur Begning Masjid-i Sangin imoratini qilurda Mullo Sharaf mundoq mubolag‘a bila bitibtur kim Ozarboyjon va Fors va Hinduston va yana o‘zga mamolik sangtarosh-laridin har kunda ikki yuz kishi masjidta ish qilurlar edi.
Turkish
Nitekim Zafername’de Molla Şeref, Timur Bey’in Taş Mescit’i yaptırmasını şöyle abartılı biçimde yazmıştır: Azerbaycan, Fars, Hindistan ve başka ülkelerin taş ustalarından her gün iki yüz kişi mescitte çalışırdı.
Chagatay
بیز اکره دا اوشبو اکره نینگ سنگ تراش لاری دین من نینگ عمارت لاریمدا هر کون آلتی یوز سکسین کیشی ایش قیلور لار ایدی
Latin transcription
Biz Agra-da ushbu Agraning sangtaroshlaridin mening imoratlarimda har kun olti yuz sakson kishi ish qilur-lar edi.
Turkish
Biz Agra’dayken yalnız bu Agra’nın taş ustalarından her gün altı yüz seksen kişi benim yapılarımda çalışırdı.
Chagatay
ینه اکره دا و سیکری دا و بیانه دا و دولپور دا و کوالیار دا و کول دا مینگ تورت یوز توقسان بیر سنگ تراش هر کوندا منینگ عمارت لاریمدا ایش قیلورلار ایدی
Latin transcription
Yana Agra-da va Sikri-da va Biyona-da va Dulpur-da va Guvolyor-da va Ko‘l-da ming to‘rt yuz to‘qson bir sangtarosh har kunda mening imoratlarimda ish qilurlar edi.
Turkish
Ayrıca Agra, Sikri, Biyane, Dulpur, Guvalyar ve Kûl’da bin dört yüz doksan bir taş ustası her gün yapılarımda çalışırdı.
Chagatay
هر حرفه کر و هر کارکردین اوشبو قیاس بیله هندوستان دا بی حد و بی نهایت تور
Latin transcription
Har hirfa-gar va har korgardin ushbu qiyos bila Hinduston-da be-hadd va be-nihoyattur.
Turkish
Her zanaat-kâr ve her işçi türü Hindistan’da buna göre sayısızdır.