✺Baburname

Yana bir budanadur.

Bu budana Kobulg‘a oz-oz borur.

Kichikkina budanadur.

Parchadin bir nima ulug‘-roq bo‘lg‘oy.

Kobulda qurotu derlar.

Yana xarchaldur, ulug‘luqi to‘g‘doqcha bo‘lg‘oy.

G‘olibo Hinduston to‘g‘doqidur.

Bisyor lazzatliqtur.

Ba’zi qushning but eti yaxshi bo‘lur, ba’zining ko‘ksining eti yaxshi bo‘lur.

Xarchalning bori eti lazzatliq va xubdur.

Yana charzdur, to‘g‘doqidin jussasi bir nima kichikrakdur.

Narining orqasi to‘g‘doqi dektur.

Ko‘ksi qoradur.

Modasi yakrangdur.

Charzning go‘shti ham bisyor [laziz?]dur.

Nechuk kim xarchalning to‘g‘doqqa mushobihi bor, charzning ham to‘g‘doqig‘a mushobihi bor.

Yana Hinduston bag‘riqorosidur.

Ul bag‘riqorodin kichikrak va inchkaraktur.

Bag‘ri-ning qorasi ham kamdur, uni ham andin inchkaraktur.

Yana qushlardur kim suda va su yaqo-larida bo‘lur.

Ul jumladin bir dingdur, ulug‘ jussaliq jonvordur.

Har qanoti bir quloch bordur.

Boshining va bo‘ynining tuki yo‘qtur.

Bo‘g‘zida xarita dek bir nima solinib turubtur.

Orqasi qora va ko‘ksi oqdur.

Ahyono Kobulg‘a borur.

Bir yil Kobulda bir ding tutub kelturub edilar.

Yaxshi rom bo‘lub edi.

Go‘shtni tashlab bersalar hargiz xato qilmas edi.

Tumshug‘i bila olur edi.

Bir qatla bir shashna’l kafshni yutub edi.

Yana bir navbat bir butun tovuqni qanotlari va parlari bila dardast yutti.