✺Baburname

Qizil, bisyor xushshakl to‘tidur.

Suxango‘y ham qilurlar ermish.

Aybi budur kim chini sinug‘ini mis tabaqqa tortqon dek ko‘p noxush va tez uni bor.

Yana shorakdur.

Bu Lamg‘onotta bisyordur.

Andin quyi tamom Hindustonot-ta ko‘p bo‘lur.

Bu ham turluk turluk bo‘lodur.

Bir nav’i budur kim Lamg‘onotta ko‘p bo‘lur.

Boshi qora, qanotlari ola, jussasi chug‘urchuqdin bir nima ulug‘roq va qo‘proqtur.

So‘z o‘rgatur-lar.

Bir nav’i pandovli derlar, Bangoladin keltururlar.

Yakrang qoradur, jussasi bu shorak-din xayli ulug‘tur.

Tumshug‘i va ayog‘i sorig‘tur.

Ikki qulog‘ida sorig‘ po‘stlari bor, solinib turodur.

Muning badnumolig‘i bor.

Suxango‘y qilurlar.

Yaxshi aytur va fasih aytur.

Yana bir nav’ shorak bo‘lur, burun mazkur bo‘lg‘on shorakdin inchkaraktur.

Ko‘zlarining girdi qizil bo‘lur.

Bu jins suxango‘y bo‘lmas, vanshorak derlar.

Yana bu fursatta kim Gang suyig‘a ko‘pruk bog‘lab o‘tub muxoliflarni qochurduq, Laknur va Avad va navohisida bir nav’ shorak ko‘ruldi kim ko‘ksi oq, boshi ola, orqasi qora, hargiz ko‘rulmaydur edi.

Bu jins g‘olibo so‘z o‘rganmas.

Yana luchadur.

Bu qushni buqalamun ham derlar.

Boshidin quyrug‘ig‘acha besh olti muxtalif rangi bor.

Kabutarning bo‘yni dek barroqdur.

Ulug‘lug‘i kabki dariycha bo‘lg‘oy.