✺Baburname

Hindustoni kalahra der.

Aslo kolohiran ekandur, ya’ni qora kiyik.

Taxfif qilib kalahra debturlar.

Modasi oqdur.

Ushbu kalahra bila kiyik tutarlar.

Bu kalahraning shoxig‘a tuzoqning halqasini berkiturlar.

Ayog‘ig‘a to‘puq-din ulug‘roq toshni ovizon bog‘larlar, ya’ni kiyik aylatqondin so‘ng yiroq kelariga moni’ bo‘lg‘oy.

Andin so‘ng yozi kalahrasini ko‘rub muqobalasida qo‘ya berurlar.

Bu kiyik urush-qa g‘arib harisdur.

Filhol urushqa kelur.

Shox urushub susushub ilgari keyin borurda kelurda ul kiyikning shoxi bu kiyikning shoxig‘a berkitkan tuzoqqa kirar.

Ul qochmoqqa mayl qilsa rom kiyik qochmas.

G‘olibo ayog‘ig‘a bog‘lag‘on tosh ham moni’ bo‘lur.

Bu nav’ bila qalin tutarlar.

Tutqondin so‘ng rom qilurlar.

Yana kiyiklarni tutmoq-qa rom qilurlar.

Bu rom kiyiklarni ham uyda urushqa solurlar.

Yaxshi urushur.

Yana Hinduston-ning tog‘ domanalarida kichikrak kiyik bo‘lur.

Arg‘org‘alchaning bir yilliq to‘qlisicha ulug‘lug‘i bo‘lg‘oy.

Yana bir gini uydur, kichikkina uydur.

Ul yerlarning ulug‘ qo‘chqoricha bo‘lg‘oy.

Bisyor yumshoq va lazizdur.

Yana maymundur, Hindustoni bondar der.

Bu ham puranvo’ bo‘lur.

Bir nav’ uldur kim ul viloyatlarg‘a eltarlar.

Lo‘lilar o‘yun o‘rgaturlar.