Baburname

Demir Barlas

Page 536 · 269a
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 269a
Choose languages

Page 536 of 762

Latin transcription

Panjshanba kuni Rajab oyning yigirma sekizida namoz-i digar Ag‘ra kirib, Sulton Ibrohim-ning manzilida tushuldi.

Languages

Chagatay

پنجشنبه کونی رجب آی نینک یکیرمه سیکیزیده نماز دیکر اکره کیریب سلطان ابراهیم نینک منزلیده توشولدی

Turkish

Perşembe, Recep ayının yirmi sekizinde ikindi vakti Agra’ya girilip Sultan İbrahim’in konağına inildi.

English

Not yet available.

Latin transcription

Tarix to‘qquz yuz o‘nda kim Kobul viloyati musaxxar bo‘ldi.

Languages

Chagatay

تاریخ توقوز یوز اوندا کیم کابل ولایتی مسخر بولدی

Turkish

Dokuz yüz on yılında Kabil vilayeti fethedildi.

English

Not yet available.

Latin transcription

Ul tarix-din bu tarixqa hamisha Hinduston havasi qilur eduk.

Languages

Chagatay

اول تاریخ دین بو تاریخقه همیشه هندوستان هوسی قیلور ایدوک

Turkish

O tarihten bu tarihe kadar hep Hindistan’ı arzuluyorduk.

English

Not yet available.

Latin transcription

Gohi beglarning sust-roylig‘i-din, gohi og‘o-inining no-hampoylig‘idin Hinduston yurushi muyassar va mamolik musaxxar bo‘lmas edi.

Languages

Chagatay

کاهی بیک لر نینک سست رایلغی دین کاهی آغا اینی نینک ناهمپایلغی دین هندوستان یوروشی میسر و ممالک مسخر بولماس ایدی

Turkish

Bazen beylerin isteksizliğinden, bazen kardeş ve akrabaların destek vermemesinden Hindistan seferi gerçekleşmiyor, ülkeler fethedilemiyordu.

English

Not yet available.

Latin transcription

Oxir mundoq mavone’ qolmadi.

Languages

Chagatay

آخر مونداق موانع قالمادی

Turkish

Sonunda bu engeller kalktı.

English

Not yet available.

Latin transcription

Kichik qarim beg-begotdin hech kim xilof-i maqsud so‘z ayta olmadi.

Languages

Chagatay

کیچیک قریم بیک بیکاتین هیچ کیم خلاف مقصود سوز آیتا آلمادی

Turkish

Küçük büyük beylerden hiç kimse amacımıza aykırı söz söyleyemedi.

English

Not yet available.

Latin transcription

Tarix to‘qquz yuz yigirma beshda cherik tortib, Bajurni zo‘r bila ikki uch garida olib, elini qatl-i om qilib, Bihra kelduk.

Languages

Chagatay

تاریخ توقوز یوز یکیرمه بیشده چریک ترتیب بجورنی زور بیله ایکی اوچ کریده آلیب ایلینی قتل عام قیلیب بهره کیلدوق

Turkish

Dokuz yüz yirmi beşte sefere çıkıp Bacur’u zorla iki üç gerî içinde aldık; halkını katlederek Bihre’ye geldik.

English

Not yet available.

Latin transcription

Tolon va toroj qilmay, Bihra eliga mol-i amon solib, naqd va jinsdin to‘rt lak Shohruxiy olib, cherik eliga navkar adadi bila ulashib, Kobulg‘a murojaat qildi.

Languages

Chagatay

تالان و تاراج قیلمای بهره ایلیکا مال امان سالیب نقد و جنس دین تورت لک شاهرخی آلیب چریک ایلیکا نوکر عددی بیله اولاشیب کابلغه مراجعت قیلدی

Turkish

Yağma yapmadan Bihre halkına güvenlik karşılığı vergi koyup nakit ve mal olarak dört lek Şahruhî aldık; askerlere nefer sayısınca dağıtıp Kabil’e dönüldü.

English

Not yet available.

Latin transcription

Ushbu tarixdin tarix to‘qquz yuz o‘ttuz ikkiga besh navbat cherik torttuq.

Languages

Chagatay

اوشبو تاریخ دین تاریخ توقوز یوز اوتوز ایکی گه بیش نوبت چریک تارتتوق

Turkish

Bu tarihten dokuz yüz otuz iki yılına kadar beş defa sefere çıktık.

English

Not yet available.

Latin transcription

Beshinchi navbatta Tengri taolo o‘z fazl va karami bila Sulton Ibrohim-dek g‘animni maqhur va abtar qilib, Hinduston-dek olamni bizga muyassar va musaxxar qildi.

Languages

Chagatay

بیشینچی نوبت ته تنکری تعالی اوز فضل و کرمی بیله سلطان ابراهیم دیک غنیم نی مقهور و ابتر قیلیب هندوستان دیک عالمی بیزکا میسر و مسخر قیلدی

Turkish

Beşinci seferde Yüce Tanrı lütuf ve keremiyle Sultan İbrahim gibi bir düşmanı kahredip perişan etti; Hindistan gibi bir dünyayı bize nasip edip fethettirdi.

English

Not yet available.

Latin transcription

Hazrat-i Risolat zamonidin bu tarixqa asl yuz podshohlaridin uch kishi Hinduston viloyatig‘a musallat bo‘lub, saltanat qilibdur.

Languages

Chagatay

حضرت رسالت زمانی دین بو تاریخقه اصل یوز پادشاه لاری دین اوچ کیشی هندوستان ولایتیغه مسلط بولوب سلطنت قیلیبدور

Turkish

Peygamber Hazretleri zamanından bu tarihe kadar dışarıdan gelen hükümdarlardan üç kişi Hindistan ülkesine hâkim olup saltanat sürmüştür.

English

Not yet available.

Latin transcription

Bir Sulton Mahmud G‘oziy va avlodi Hinduston-mulkida muddat-i madid saltanat taxtig‘a olturubturlar.

Languages

Chagatay

بر سلطان محمود غازی و اولادی هندوستان ملکی ده مدت مدید سلطنت تختیغه اولتوروبتورلار

Turkish

Birincisi Sultan Mahmud Gazi’dir; onun çocukları Hindistan ülkesinde uzun süre saltanat tahtında oturmuştur.

English

Not yet available.

Latin transcription

Ikkinchi Sulton Shahobiddin-G‘uriy va qullari va tavobei ko‘p yillar bu viloyatda podshohliq surubturlar.

Languages

Chagatay

ایکینچی سلطان شهاب الدین غوری و قوللاری و توابعی کوب یل لار بو ولایت ده پادشاهلیق سوروبتورلار

Turkish

İkincisi Sultan Şehabeddin Gurî’dir; kulları ve maiyeti uzun yıllar bu ülkede hükümdarlık sürmüştür.

English

Not yet available.