Baburname

Demir Barlas

Page 533 · 267b
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 267b
Choose languages

Page 533 of 762

Latin transcription

Ibrohimning o‘rduning ichi bila o‘tub, sarochalarni va uylarni sayr qilib, bir qora suv yaqosig‘a tushtuk.

Languages

Chagatay

ابراهیم نینک اردو نینک ایچی بیله اوتوب سراچه لارنی و اوی لارنی سیر قیلیب بر قره سو یقه سیغه توشتوک

Turkish

İbrahim’in ordugâhının içinden geçip çadırlarını ve evlerini gezerek bir durgun su kıyısına indik.

English

Not yet available.

Latin transcription

Namoz-i digar bor edi kim Tohir Tabariy Xalifaning qoyin-inisi Sulton Ibrohimning o‘lugini qalin o‘lugning ichida topib, boshini kelturdi.

Languages

Chagatay

نماز دیکر بار ایدی کیم طاهر تبری خلیفه نینک قاین اینیسی سلطان ابراهیم نینک اولکی نی قالین اولکنینک ایچیده تاپیب باشینی کیلتوردی

Turkish

İkindi vaktiydi; Halife’nin kayınbiraderi Tahir Teberî, Sultan İbrahim’in cesedini ceset yığınının içinde bulup başını getirdi.

English

Not yet available.

Latin transcription

Ushbu kun-o‘q Humoyun Mirzoni va Xoja Kalon va Muhammadiy va Shoh Mansur-Barlos va Yunus Ali va Abdulloh va Voliy Xozinni ta’yin qilduq kim jarida ildam yurub, Ag‘rani iliglab, xazonani zabt qilg‘aylar.

Languages

Chagatay

اوشبو کون اوق همایون میرزا نی و خواجه کلان و محمدی و شاه منصور برلاس و یونس علی و عبدالله و والی خازن نی تعیین قیلدوق کیم جریده ایلدم یوروب اکره نی ایلکلب خزانه نی ضبط قیلغایلار

Turkish

O gün Hümayun Mirza’yı, Hoca Kelan’ı, Muhammedî’yi, Şah Mansur Barlas’ı, Yunus Ali’yi, Abdullah’ı ve Vali Hazin’i, yüklerini bırakıp hızla ilerlemeleri, Agra’yı ele geçirip hazineye el koymaları için görevlendirdik.

English

Not yet available.

Latin transcription

Mahdiy Xojani va Muhammad Sulton Mirzo va Odil-Sulton va Sulton Junayd Barlosni va Qutluq Qadamni muqarrar qilduq kim partoldin ayrilib, ilg‘ob Dihliy qo‘rg‘ong‘a kirib, xazonalarni ehtiyot qilg‘aylar.

Languages

Chagatay

مهدی خواجه نی و محمد سلطان میرزا و عادل سلطان و سلطان جنید برلاس نی و قطلق قدم نی مقرر قیلدوق کیم پرتال دین ایریلیب ایلغاب دهلی قورغانغه کیریب خزانه لارنی احتیاط قیلغایلار

Turkish

Mehdi Hoca, Muhammed Sultan Mirza, Adil Sultan, Sultan Cüneyd Barlas ve Kutluk Kadem’i ağırlıklardan ayrılıp hızla Delhi Kalesi’ne girmeleri ve hazineleri korumaları için tayin ettik.

English

Not yet available.

Latin transcription

Tonglasig‘a ko‘chub, bir kuro‘h [Aro iki?] qo‘nub, seshanba kuni Shayx Nizom Avliyoning mazori tavof qilib, Dihliy to‘g‘risi Jun yaqosig‘a tushuldi.

Languages

Chagatay

تانکلا سیغه کوچوب بر کروه [ارا ایکی؟] قونوب سشنبه کونی شیخ نظام اولیا نینک مزاری طواف قیلیب دهلی توغریسی چون یقاسیغه توشولدی

Turkish

Ertesi gün göçüp bir kürûh [Arada iki kez?] konaklayıp salı günü Şeyh Nizam Evliya’nın mezarını ziyaret ettik; Delhi karşısında Cun kıyısına inildi.

English

Not yet available.

Latin transcription

Ushbu chahorshanba axshomi-o‘q Dihliy qo‘rg‘oni sayr qilin, kechasi anda bo‘lub, tonglasi chahorshanba kuni Xoja Qutbiddinning mazori tavof qilib, Sulton G‘iyosiddin Balban va Sulton Alouddin Xaljiyning maqbara va imoratlari va minorani va Havz-i Shamsiy va Havz-i Xosni va Sulton Bahlul va Sulton Iskandarning maqobir va bog‘oti sayr qilib kelib, o‘rdug‘a tushub, kema kirib, araq ichildi.

Languages

Chagatay

اوشبو چهارشنبه اخشامی اوق دهلی قورغانی سیر قیلون کوجه سی انده بولوب تانکلاسی چهارشنبه کونی خواجه قطب الدین نینک مزاری طواف قیلیب سلطان غیاث الدین بلبن و سلطان علا الدین خلجی نینک مقبره و عمارت لاری و منارنی و حوض شمسی و حوض خاص نی و سلطان بهلول و سلطان اسکندر نینک مقابر و باغاتی سیر قیلیب کیلیب اردوغه توشوب کیمه کیریب عرق ایچیلدی

Turkish

O çarşamba akşamı Delhi Kalesi gezildi; gece orada kalıp ertesi çarşamba günü Hoca Kutbeddin’in mezarını ziyaret ederek Sultan Gıyaseddin Balban ile Sultan Alaeddin Halcî’nin mezarlarını ve yapılarını, minareyi, Havz-ı Şemsî ile Havz-ı Hâs’ı, Sultan Behlul ile Sultan İskender’in mezarlarını ve bahçelerini gezdik. Ordugâha dönüp gemiye binildi ve rakı içildi.

English

Not yet available.