✺Baburname

G‘animning qarosi ko‘runganda barang‘ar sori mayli ko‘prak edi.

Bu jihattin Abdulazizni kim chag‘dovulg‘a [?] ta’yin edi, barang‘arg‘a ko‘mak yibarildi.

Sulton Ibrohimning qarosi yiroqdin kim ko‘rundi, hech yerda dirang qilmay tez o‘q keladur edi.

Ilgarirak kela bizning qaromiz kim alarg‘a ko‘rundi, bu tartib va yasolni kim mulohaza qildilar, xatar bo‘lub turay turmay, kelay kelmay degan dek qilib ne tura oldi ne burunqi dek be-dirang kela oldi.

Farmon bo‘ldi kim to‘lg‘amag‘a ta’yin bo‘lg‘on kishi o‘ng qo‘ldin so‘l qo‘ldin g‘animning orqasig‘a evrulub o‘q qo‘yub urushqa mashg‘ul bo‘lg‘oylar.

Barang‘ar javong‘ar ham yurub g‘anim bila tegishgaylar.

To‘lg‘ama kishisi orqasig‘a evrulub o‘q qo‘yo kirishtilar.

Javong‘ardin Mahdiy Xoja burunroq tegishti.

Mahdiy Xojaning o‘trusig‘a bir favj bir fil bila keldi.

Bular ham qalin o‘q qo‘yub ul favjni yondurdilar.

Javong‘arg‘a ko‘mak qo‘ldin Ahmadiy Parvonachi va Turdi Beg va Qo‘ch Beg va Muhib Ali Xalifani yibarildi.

Barang‘arda ham urush qoyim bo‘ldi.

Muhammadiy Ko‘kaldosh va Shoh Mansur Borlos va Yunus Ali va Abdullohg‘a farmon bo‘ldi kim qo‘l-ning oloyida ro‘baro‘din yurub urushqa mashg‘ul bo‘ldilar.

Ustod Ali Quli ham qo‘lning oloyida necha qatla yaxshi farangilar otti.

Mustafo To‘pchi ham qo‘lning so‘l qo‘lidin aroba ustidagi zarbzanlar bila yaxshi zarbzanlar otti.