✺Baburname

Tog‘lari kichikrak-kichikrak past yosunluq tog‘lardur.

Kentlari bu tog‘larning domanalarida voqe’ bo‘lubtur.

Kent bo‘lmag‘on yerlarda tovus va maymun bisyordur.

Uy tovug‘i dek tovuq ham ko‘ptur.

Biaynihi tovuqtur, vali aksar bir rangdur.

Chun G‘oziy Xonning xabari bir yerda muhaqqaq emas edi, Tardikani va Birimdev va Malihos bila ta’yin qilduq kim har yerda G‘oziy Xon bo‘lsa borib har nav’ qilib iliglagaylar.

Bu Dun atrofidog‘i ushoq tog‘larda tavr mazbut qal’alar tushubtur.

Sharq-shimol tarafida bir qal’a voqe’ bo‘lubtur, Ko‘tla otliq.

Atrofi yetmish seksan qori yakandoz, ulug‘ darvozasi tarafi yeti sekiz qori bo‘lg‘oy.

Pulravon solur yerining kengligi o‘n o‘n ikki qori bo‘lg‘oy.

Ikki uzun yig‘ochni ko‘pruk qilibturlar.

Otni va kalani andin o‘tkarurlar.

Bu Ko‘histonda G‘oziy Xonning berkitkan qo‘rg‘onlaridin biri budur.

Kishi-si bor ekandur.

Chopqunchi yetib urush solur.

Ola yovushqondurlar.

Kech bo‘lg‘och qo‘rg‘on-ning ichidakilar mundoq rast qo‘rg‘onni tashlab qocharlar.

Bu Dun navohisida yana bir rast qo‘rg‘on Ginkuta qo‘rg‘onidur.

Aning ham atrofi uchmadur, vali ul muncha rast emas.

Olam Xon ushbu Ginkuta qo‘rg‘ong‘a kirib edi.

Burun mazkur bo‘ldi.