✺Baburname

Siyosat uchun bir necha o‘q ottim.

Biyakbor tir-i qazo o‘qi Humoyunning qissaxonig‘a yetkach o‘q jon taslim qildi.

Ikki kecha ushul balandida voqe’ bo‘lub dushanba kuni qo‘rg‘ong‘a kirib sayr qilib G‘oziy Xonning kitobxonasig‘a keldim.

Bir necha nafis kitoblar chiqti.

Bir nechasini Humoyung‘a berib, bir nechasini Komrong‘a yibordim.

Mulloyona kitoblar xud bisyor edi, vali ancha nafis kitoblar kim ko‘z tutulur edi, ancha chiqmadi.

Kechasi anda qo‘nub tonglasi o‘rdug‘a keldim.

G‘oziy Xonni qo‘rg‘onda tasavvur qilur eduk.

Ul be-hamiyyat nomard ota inisini va ona ikasi va singlisini Milvat-ta tashlab ma’dudiy bila tog‘ sori qochibtur.

Mabin on be-hamiyyat-ro ki hargiz / naxohad did ro‘y-i nekbaxti.

Tan-osoni guzinad xveshtan-ro / zan-u farzand biguzorad ba saxti.

Chahorshanba kuni ul yurttin ko‘chub G‘oziy Xon qochqon tog‘ sori mutavajjih bo‘lduq.

Milvatning og‘zidog‘i yurttin bir kuro‘h yo‘l kelib bir qo‘lda tushtuk.

Dilovar Xon munda kelib mulozamat qildi.

Davlat Xonni va Ali Xonni va Ismoil Xonni va yana bir necha ulug‘larini band qilib Kataka topshurduq kim Bihra-dog‘i Milvat qo‘rg‘ong‘a eltib saqlag‘oy.