Baburname

Demir Barlas

Page 515 · 258b
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 258b
Choose languages

Page 515 of 762

Latin transcription

Mening gunohimni afv qilsalar qulluqg‘a borib qo‘rg‘onni topshuray».

Languages

Chagatay

مینینک کناهیم نی عفو قیلسالار قوللوققه باریب قورغان نی تابشورای

Turkish

Suçumu bağışlarlarsa huzura gelip kaleyi teslim edeyim.”

English

Not yet available.

Latin transcription

Xoja Mir Mironni yiborildi.

Languages

Chagatay

خواجه میر میران نی ییبارلدی

Turkish

Hoca Mir Miran gönderildi.

English

Not yet available.

Latin transcription

Tavahhumni xotirdin chiqorib kelturdi.

Languages

Chagatay

توهم نی خاطر دین چیقاریب کیلتیردی

Turkish

Korkusunu giderip onu getirdi.

English

Not yet available.

Latin transcription

Davlat Xon o‘g‘li Ali Xon bila keldi.

Languages

Chagatay

دولت خان اوغلی علی خان بیله کیلدی

Turkish

Devlet Han oğlu Ali Han’la geldi.

English

Not yet available.

Latin transcription

Buyurdum kim ushol iki qilich kim bizning bila urushur uchun belga bog‘lab edi, bo‘ynig‘a ostilar.

Languages

Chagatay

بویوردوم کیم اوشال ایکی قیلیچ کیم بیزنینک بیله اوروشور اوچون بیلکه باغلاب ایدی بوینیغه آستی لار

Turkish

Buyurdum, o iki kılıcı, yani bizimle savaşmak için beline bağladıklarını boynuna astılar.

English

Not yet available.

Latin transcription

Mundoq rustoyi va loda mardak bo‘lg‘oymu kim ishi bu yerga yetib hanuz ta’allul qilur!

Languages

Chagatay

مونداق روستایی و لاده مردک بولغایمو کیم ایشی بو یرکا یتیب هنوز تعلل قیلور

Turkish

Böyle kaba saba ve ahmak bir adam olur mu ki işi bu noktaya gelmişken hâlâ ayak sürüsün!

English

Not yet available.

Latin transcription

Ilgarirak kelturdilar.

Languages

Chagatay

ایلکاریراک کیلتیردیلار

Turkish

Daha ileri getirdiler.

English

Not yet available.

Latin transcription

Buyurdum kim qilichlarni bo‘ynidin oldilar.

Languages

Chagatay

بویوردوم کیم قیلیچ لارنی بوینیدین آلدیلار

Turkish

Buyurdum, kılıçları boynundan aldılar.

English

Not yet available.

Latin transcription

Ko‘rushur vaqt yukungurka ta’axxur qilodur.

Languages

Chagatay

کوروشور وقت یوکونورکه تاخر قیلادور

Turkish

Görüşme sırasında eğilip selam vermekte gecikiyor.

English

Not yet available.

Latin transcription

Buyurdum kim oyog‘ini tortib yukundurdilar.

Languages

Chagatay

بویوردوم کیم آیاغینی تارتیب یوکوندوردیلار

Turkish

Buyurdum, ayağını çekerek eğdirdiler.

English

Not yet available.

Latin transcription

Ilgari olturg‘uzub Hindustoniy bilgun bir kishiga buyurdum kim: «Bu so‘zlarni birar-birar anga xotirnishon qila aytqil.

Languages

Chagatay

ایلکاری اولتورغوزوب هندوستانی بیلکون بیر کیشی که بویوردوم کیم بو سوزلارنی بیرار بیرار انکا خاطر نشان قیلا ایتقیل

Turkish

Önüme oturtup Hintçe bilen birine buyurdum: “Bu sözleri birer birer iyice anlamasını sağlayarak ona söyle.

English

Not yet available.

Latin transcription

Mun-doq degil kim men seni ota dedim.

Languages

Chagatay

مون داق دیگل کیم مین سینی آتا دیدیم

Turkish

Şöy-le de: Ben sana baba dedim.

English

Not yet available.

Latin transcription

Ta’zim va ehtiromingni ul tariq kim sening xotiring tilar edi, andin yaxshiroq qildim.

Languages

Chagatay

تعظیم و احترامینکنی اول طریق کیم سینینک خاطرینک تیلار ایدی اندین یخشیراق قیلدیم

Turkish

Sana gönlünün istediğinden daha fazla saygı gösterdim.

English

Not yet available.

Latin transcription

O‘zungni va o‘g‘lonlaringni Balujlarning darbadarliqlaridin qutqordim.

Languages

Chagatay

اوزونکنی و اوغلان لارینکنی بلوج لارنینک دربدرلیق لاری دین قوتقاردیم

Turkish

Seni ve oğullarını Beluçlar arasında kapı kapı dolaşmaktan kurtardım.

English

Not yet available.

Latin transcription

Xaylxonalaringni va haramlaringni Ibrohimning bandxonasidin xalos qildim.

Languages

Chagatay

خیلخانه لارینکنی و حرملارینکنی ابراهیم نینک بندخانه سیدین خلاص قیلدیم

Turkish

Aileni ve haremindekileri İbrahim’in zindanından serbest bıraktım.

English

Not yet available.

Latin transcription

Uch karur Totor Xonning viloyatini sanga inoyat qildim.

Languages

Chagatay

اوچ کرور تاتار خان نینک ولایتینی سینکا عنایت قیلدیم

Turkish

Tatar Han’ın üç kürûr gelirli vilayetini sana bağışladım.

English

Not yet available.

Latin transcription

Sening haqqingda yomon bordim-mu kim bu [saqing/shiqing?] bila belingga iki qilich bog‘lab cherik tortib bizning viloyatlarning ustiga kelib mundoq sho‘r va fitna solur sen?»

Languages

Chagatay

سینینک حقینکدا یامان باردیم مو کیم بو [سقینک؟] بیله بیلینککه ایکی قیلیچ باغلاب چریک تارتیب بیزنینک ولایت لارنینک اوستیکه کیلیب مونداق شور و فتنه سالور سین

Turkish

Sana kötülük mü ettim ki bu [donanımınla?] beline iki kılıç bağlayıp asker çekerek bizim vilayetlerimizin üzerine gelip böyle karışıklık ve fitne çıkarıyorsun?”

English

Not yet available.

Latin transcription

Qori mabhut mardak bir-iki so‘z og‘zida-o‘q po‘ypodi.

Languages

Chagatay

قاری مبهوت مردک بیر ایکی سوز آغزیده اوق پویپادی

Turkish

Şaşkına dönen ihtiyar adam ağzında bir iki söz geveledi.

English

Not yet available.