✺Baburname

Sulton Ibrohimning cherigi ko‘rar kim bularning kishisi asru ozdur.

Ush andin bir ozroq favj bir fil bila bular sori mutavajjih bo‘lur.

Fil ilgarirak yurugach bular to‘xta-olmaslar, qocharlar.

Ush andin qochqon bila Olim Xon Miyon Du Ob sori kechib Ponipat navohisidin yana Ponipat sori o‘tarlar.

Indrig‘a yetgan mahalda bir bahona qilib Miyon Sulaymondin uch-to‘rt lak olib qo‘yarlar.

Ismoil Jalvoniy, Olim Xonning ulug‘ o‘g‘li Jalol Xon bulardin ayrilib Miyon Du Ob sori o‘zlarini tortarlar.

Olim Xong‘a yig‘ilg‘on cherigdin bir porasi misli Sayfiy Xon, Daryo Xon, Mahmud Xon Xoni Jahon va Shayx Jamol Farmuliy, yana ba’zilar urushdin burun-o‘q qochib Ibrohimg‘a borurlar.

Olim Xon va Dilovar Xon va Hoji Xon Sirhinddin o‘ta bizning kelib Milvatni olg‘onimizni xabar topar-lar.

Dilovar Xon chun hamisha davlatxohliq maqomida edi va bizning uchun uch-to‘rt oy band tortib edi, ayrilib Sultonpurg‘a ko‘chga kelib biz Milvatni olg‘ondin uch-to‘rt kun so‘ng Milvat navohisida bizga kelib mulozamat qildi.

Olim Xon va Hoji Xon Shatlut suyidin kechib Dun bila Dashtning orasidog‘i tog‘da Ginko‘ta otliq bir berk qo‘rg‘ong‘a kelib kirarlar.

Bizning chopqunchi Afg‘ondin va Hazoradin kelib bularni qobarlar.