Baburname

Demir Barlas

Page 510 · 256a
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 256a
Choose languages

Page 510 of 762

Latin transcription

Olim Xong‘a Hinduston sori ruxsat berib o‘zimiz Balx ustiga otlanduq.

Languages

Chagatay

عالم خانغه هندوستان ساری رخصت بیریب اوزومیز بلخ اوستیکه آتلاندوق

Turkish

Âlem Han’a Hindistan yönüne izin verip kendimiz Belh üzerine atlandık.

English

Not yet available.

Latin transcription

Lohurg‘a kelgandin so‘ng Hinduston-dag‘i beglarga muhassil kirar kim: «Podshoh sizlarni manga ko‘mak bo‘lsun deb tur.

Languages

Chagatay

لاهورغه کیلکاندین سونک هندوستان داغی بیکلرکا محصل کیرار کیم پادشاه سیزلارنی منکا کومک بولسون دیب تور

Turkish

Lahor’a gelince Hindistan’-daki beylere bir görevli yollar: “Padişah sizin bana yardım etmenizi söylemiştir.

English

Not yet available.

Latin transcription

Manga qotilib yurung!

Languages

Chagatay

منکا قاتلیب یورونک

Turkish

Bana katılıp yürüyün!

English

Not yet available.

Latin transcription

G‘ozi Xonni o‘zimizga qo‘shub Dehli va Agra ustiga yuruling!»

Languages

Chagatay

غازی خاننی اوزومیزکا قوشوب دهلی و آکره اوستیکه یورولینک

Turkish

Gazi Han’ı da yanımıza alarak Delhi ve Agra üzerine yürüyelim!”

English

Not yet available.

Latin transcription

Bular derlar kim: «G‘ozi Xong‘a ne e’timod bila qotilaling?

Languages

Chagatay

بولار دیرلار کیم غازی خانغه نی اعتماد بیله قاتیلانک

Turkish

Bunlar derler ki: “Gazi Han’a nasıl güvenip katılalım?

English

Not yet available.

Latin transcription

Farmon ham mundoqtur kim har qachon G‘ozi Xon inisi Hoji Xonni o‘g‘li bila dargohg‘a yiborsa yo ul kim Lohurg‘a yiborsa garav yosunluq tursa sizlar qotiling, yo‘q yerga qo‘shulg‘uchi bo‘lmag‘oy siz», deb.

Languages

Chagatay

فرمان هم مونداق تور کیم هر قاچان غازی خان اینی سی حاجی خاننی اوغلی بیله درگاهغه ییبارسا یا اول کیم لاهورغه ییبارسا کیرو یوسونلوق تورسه سیزلار قاتیلنک یوق یرکا قوشولغوچی بولماغای سیز دیب

Turkish

Ferman da şöyledir: Gazi Han kardeşi Hacı Han’ı oğluyla birlikte dergâha gönderirse ya da Lahor’a gönderip rehin gibi tutarsa, siz de katılın; boş yere birleşmeyin, demiştir.

English

Not yet available.

Latin transcription

Siz ham tuta kun urushub bosturub siz, yana ne e’timod bila qo‘shula siz?

Languages

Chagatay

سیز هم توتا کون اوروشوب باستوروب سیز ینکه نی اعتماد بیله قوشوله سیز

Turkish

Siz de daha geçen gün savaşıp yenildiniz; şimdi nasıl güvenip birleşirsiniz?

English

Not yet available.

Latin transcription

Sizga ham maslahat emas kim qotilg‘oy siz».

Languages

Chagatay

سیزکا هم مصلحت ایماس کیم قاتیلغای سیز

Turkish

Sizin katılmanız da uygun değildir.”

English

Not yet available.

Latin transcription

Har necha yosunluq so‘zlar aytib man’ qilurlar.

Languages

Chagatay

هر نیچه یوسونلوق سوزلار ایتیب منع قیلورلار

Turkish

Ne kadar yerinde söz söyleseler de onu engellemeye çalışırlar.

English

Not yet available.

Latin transcription

Yetiga kirmay o‘g‘li Sher Xonni yiborib Davlat Xon va G‘ozi Xon bila so‘zlashib ko‘rushurlar.

Languages

Chagatay

ییتیکه کیرمای اوغلی شیر خاننی ییبارب دولت خان و غازی خان بیله سوزلاشب کوروشورلار

Turkish

Söz dinlemeyip oğlu Şir Han’ı göndererek Devlet Han ve Gazi Han’la görüşürler.

English

Not yet available.

Latin transcription

Dilovar Xon kim necha mahal bandda edi, iki-uch oy bo‘lub edi kim Lohurg‘a banddin qochib kelib edi, oni ham o‘zi bila olib borur.

Languages

Chagatay

دلاور خان کیم نیچه محل بندده ایدی ایکی اوچ آی بولوب ایدی کیم لاهورغه بنددین قاچیب کیلیب ایدی آنی هم اوزی بیله آلیب بارور

Turkish

Bir süredir tutuklu olan Dilaver Han’ın, tutsaklıktan kaçıp Lahor’a geleli iki üç ay olmuştu; onu da yanına alıp götürür.

English

Not yet available.

Latin transcription

Mahmud Xon Xoni Jahon kim Lohurda pargana berilib edi, oni ham hamroh eltar.

Languages

Chagatay

محمود خان خان جهان کیم لاهورده پرکنه بیریلیب ایدی آنی هم همراه ایلتر

Turkish

Lahor’da kendisine pergene verilen Han-ı Cihan’ın oğlu Mahmud Han’ı da beraberinde götürür.

English

Not yet available.

Latin transcription

G‘olibo so‘zni bu yerga qo‘yarlar kim Davlat Xon va G‘ozi Xon Hindustonda qo‘yulg‘on beg-larni, balki tamom bu tarafni o‘ziga olur.

Languages

Chagatay

غالبا سوزنی بو یرکا قویارلار کیم دولت خان و غازی خان هندوستان دا قویولغان بیک لارنی بلکه تمام بو طرف نی اوزی که آلور

Turkish

Galiba şöyle anlaşırlar: Devlet Han ve Gazi Han Hindistan’da bırakılan bey-leri, hatta bütün bu tarafı kendi yanına alır.

English

Not yet available.

Latin transcription

Dilovar Xonni va Hoji Xonni Olim Xong‘a qotor.

Languages

Chagatay

دلاور خان نی و حاجی خان نی عالم خانغه قاتار

Turkish

Dilaver Han ile Hacı Han’ı Âlem Han’a katar.

English

Not yet available.

Latin transcription

Bular Dehli va Agra tarafni o‘zlarig‘a olurlar.

Languages

Chagatay

بولار دهلی و آکره طرف نی اوزلاریغه آلورلار

Turkish

Bunlar Delhi ve Agra tarafını kendilerine alırlar.

English

Not yet available.