✺Baburname

Yo‘lda kelib mulozamat qildi.

Bog‘-i Vafoda tushtuk.

Noranjlari xo‘b sorg‘oribtur, sabzalari xo‘b yetilibtur.

Bisyor safoliq bo‘luptur.

Besh olti kun Bog‘-i Vafoda turduk.

Chun bu dag‘dag‘a bor edi kim qirq yoshta toyib bo‘lg‘ay men.

Qirq yoshqa bir yildin ozroq qolib edi.

Ifrot bila ichilur edi.

Yakshanba kuni oyning o‘n oltisida sabuhiy qilib hushyor bo‘lub ma’jun ixtiyor qilg‘onda Mullo Yorak panjgohda muxammas davrida bog‘log‘on naqshini o‘tkardi.

Yaxshi naqsh bog‘laptur.

Necha mahal edi.

Mundoq nemalarga mashg‘ulluq qilmaydur edim.

Manga ham dag‘dag‘a bo‘ldi: bir nema bog‘log‘oy men.

Bu taqrib bila Chorgoh savtini bog‘lodim, nechuk kim mahallida mazkur bo‘lg‘usidur.

Chahorshanba kuni sabuhiy qilg‘onda mutoyaba jihatidin deyildi kim «Har kim sortcha aytsa bir ayog‘ ichsun».

Bu jihatdin ko‘p kishi ayog‘ ichti.

Sunnat vaqtida chaman o‘rtasidag‘i tolor ustida olturuldi.

Deyildi kim «Har kishi turkcha aytsa bir ayog‘ ichsun».

Munda ham g‘olibo kishi ayog‘ ichti.

Oftob chiqa noranjlar tubida havz yoqasida borib ichildi.

Tonglasi Dutadin chola kirib Jo‘y-i Shohiydin chiqib Atarg‘a borduk.

Atardin otlanib Dara-i Nurni sayr qilib Suson kentigacha yetib yonib Omlag‘a tushuldi.

Xoja Kalon Bajurni yaxshi zabt qilib edi.