✺Baburname

Zavol vaqtig‘acha munda ichildi.

Andin so‘ng otlanildi.

Majlis ahli guzaro mastlar bo‘lub edilar.

Sayyid Qosim andoq mast edi kim ikki navkari tashvish bila ot ustiga solib o‘rdug‘a yetkurdilar.

Do‘st Muhammad Boqiy andoq mast edi kim Amin Muhammad Tarxon va Mastiy chehra boshliqlar har necha sa’y qilsalar otlandura olmaslar.

Boshig‘a su qo‘yarlar ham bo‘lmas.

Bu fursatta bir pora afg‘on paydo bo‘lur.

Amin Muhammad Tarxon chog‘ir kayfiyatida xayol qilur kim muni mundoq otib oldurg‘uncha boshini kesib olib ketarbiz.

Bori yuz mashaqqat bila ot ustiga solib olib keltururlar.

Yarim kechada Kobulga keldik.

Sabohi devonda Quli Beg kim Koshg‘arg‘a Sulton Sa’id Xon qoshig‘a elchilikka borib edi, kelib mulozamat qildi.

Bishka Mirzoni Itarjini Quli Begga qotib elchilikka yiborib edi.

Ul viloyatning mato’idin bir pora savg‘ot kelturdi.

Chahorshanba kuni Zi-l-qa’da oyining g‘urrasida Qobilning go‘rining qoshida yolg‘uz borib sabuhi qildim.

So‘ngra ahl-i majlis birin ikin keldilar.

Oftob [bo‘la?] Bog‘-i Banafshag‘a borib [havz] yoqasida ichildi.

Tush bo‘la uyqulab namoz-i peshin yana ichildi.

Ushbu namoz-i peshin suhbatida Tangri Quli Beg va Hindig‘a kim mundin burun suhbatta chog‘ir berilmaydur edi, chog‘ir berdim.