✺Baburname

Dushanba kuni bog‘din ko‘chtuk.

Men bir bahorg‘a-cha turub ba’zi noranjilarni oldurdum.

Shoh Hasang‘a ikki diraxtning noranji in’om bo‘ldi.

Ba’zi beglarga bir diraxt noranji, ba’zilarig‘a ikki kishiga bir diraxt noranji in’om bo‘ldi.

Chun qish Lag‘mon sayri qilur xayoli bor edi, havzning atrofida yigirmacha noranji diraxtini buyurdum kim qo‘rug‘oylar.

Bu kun Gandamakka tushub tonglasi Jadlakka tushuldi.

Namoz-i shomg‘a yaqin chog‘ir majlisi bo‘ldi.

Aksar ichkilar bor edilar.

Oxir-i suhbat Qosim Beg-ning xoharzodasi Gadoyi Muhammad xayli shalayonliq qildi.

Mast bo‘lg‘onda mening yonimdag‘i takyaga tayandi.

Gadoyi Tag‘oyi majlisdin ko‘tarib chiqordi.

Ul yurttin erta ko‘chuldi.

Quruq Soy yonidag‘i Borik Ob quyi yuqori sayr qila bordim.

Bir necha turoq diraxtlar asru xub xazon bo‘luptur.

Ushul yerda tushub yel-qiron oshini tortturuldi.

Xazon bois bo‘ldi, chog‘ir ichildi.

Yo‘ldin qo‘y kelturub buyuruldi kim kaboblar qilg‘oylar.

Balut shoxlarig‘a o‘tlar qo‘yub tafarruj ko‘rduk.

Mening keladurg‘on xabarimni Mullo Abdulmalik Devona istid’o qildi kim Kobulg‘a eltgay.

Kobulg‘a Mullo Abdulmalikni yiborildi.

Hasan Nabira Mirzo Xon qoshidin meni deb kelgan ekandur.

Bu yerda kelib qildi.