✺Baburname

Namoz-i peshindin so‘ng chog‘ir suhbati bo‘ldi.

Tonglasi andin otlanib Xoja Xovand Sa’idning mozorini tavof qilib kelib China qo‘rg‘onidin jolag‘a kirduk.

Panjshir suyining qotilishida jola tog‘ning to‘qunushig‘a urunub g‘arq bo‘la bordi.

Ruh Dam, Tengri Quli, Mir Muhammad Jolabon jola tog‘qa urung‘och sug‘a yiqildilar.

Ruh Dam bila Tengri Quli-ni tashvishlar bila tortib jolag‘a-o‘q chiqordilar.

Chini piyola va qoshuq va doyira sug‘a bordi.

Mundin o‘tub Sang-i Barida to‘g‘risig‘a yetkanda jola suning orasida shoxqa mu yo band uchun qoqqon qozuqqa mu urundi?

Shoh Hasan-i Shoh Beg orqong‘a-o‘q bordi.

Mirzo Quli Ko‘kaltoshni ola-o‘q yiqildi.

Darvish Muhammad Sorbon ham sug‘a yiqildi.

Mirzo Quli tavri bordi: yiqilur mahalda eligidagi qovun kesadur pichoqni jolaning ustidagi bo‘ryog‘a sanchib-o‘q yiqildi.

Mirzo Quli jolag‘a kelmay to‘n o‘frog‘i bila uzub chiqti.

Joladin chiqib ul axshom jolabonlarning uyida qo‘nduq.

Bi’aynihi sug‘a borg‘on haft-rang piyola-dek piyola Darvish Muhammad peshkash qildi.

Odina kuni su yoqa-sidin otlanildi.

Inchkadin qo‘yig‘a Ko‘h-i Bacha-ning domanasida tushub o‘z eligimiz bila g‘alaba misvok olduq.