✺Baburname

Boridin burun Mo‘min Ataka bir Afg‘onni nayza bila yiqib boshini kesib kelturdi.

Abulhasan Qo‘rchi ham yalang‘och yaxshi yurub Afg‘onlarning olin to‘sub ot solib bir Afg‘onni chopqulab yiqib boshin kesib kelturdi.

O‘ziga uch yora bo‘lub edi.

Otig‘a bir yora bo‘lub edi.

Poyanda Muhammad Qaplon ham yaxshi yurub bir Afg‘onni chopqula-lib boshin kelturdi.

Agarcha Abulhasan bila Poyanda Muhammad Qaplonning yigitliklari mundin burun ham ma’lum bo‘lub edi, bu yurushta ishlarini ko‘prak bildurdilar.

Bu qirq ellikcha Afg‘on tamomi o‘q qilichqa borib poralandilar.

Bu Afg‘onlar qirilg‘ondin so‘ng bir xavidzorg‘a tushub buyurduq kim bu Afg‘onlarning boshlarini kalla minora qildilar.

Yo‘lda keladurganda Husayn bila bo‘lg‘on beglar keldilar.

Siyosat va g‘azab bila dedim kim: «Muncha kishi boqib turub bir necha yayog‘ Afg‘ong‘a tup-tuz yerda mundoq yigitni oldurub sizlarni to‘ra-mo‘chadin uratib [?], pargana va vilo-yatingizdin yirotib saqollaringni qirqib shahrlarda tashhir qilmoq kerak.

To har kim mundoq yigitni mundoq g‘animg‘a oldursa, mundoq tup-tuz yerda elik tebratmay boqib tursa sazosi bo‘lg‘ay.