✺Baburname

Nechuk kim mazkur bo‘ldi, ilg‘oduk.

Namoz-i digarda tushub otqa bo‘g‘uz berib namoz-i xuftan ul yerdin otlanildi.

Boshchi Malik Hastning Surpo otliq Gujar navkari edi.

Kecha yo‘l-ni aritib saharg‘a yovuq tushuldi.

Beg Muhammad Mo‘g‘ulni ordug‘a yonduruldi.

Yoruq bo‘lg‘onda otlanildi.

Chosht jiba kiyib ildam yuruduk.

Bir shar’iy qolg‘onda Pirolaning sharqiy tarafi bordi.

Qo‘ch Beg kim barong‘or edi, barong‘orning orqasig‘a ko‘mak yiborildi.

Javong‘or kishisi va g‘ul kishisi Pirolaning ustiga oq tegilib bordi.

Do‘st Begni javong‘orning Pirolaning ustiga borg‘on kishining orqasig‘a ko‘mak yiborildi.

Pirola jarlarning orasida voqi’ bo‘lubtur.

Ikki yo‘li bor, biri sharq janub tarafi kim biz bu yo‘l bila kelduk, jarlarning usti bila kelur.

Ikki tarafi obkand jarlar voqi’ bo‘lubtur.

Pirolaning yarim kurohidin yo‘l andoq bo‘lur kim darvozasig‘a yetkuncha to‘rt besh yerda ikki tarafdin jar qilib yakrah bo‘lubtur kim bir tir-i gaz otimi chuburub bormoq kerak.

Yana bir yo‘li g‘arb shimol tarafidindur kim bir keng qo‘lning ichi bila kelib Pirolag‘a chiqor.

Bu ham yakrahdur.

O‘zga hech tarafdin yo‘li yo‘qtur.

Agarchi fasil va kungura-si yo‘qturdur, vale zo‘r kelturgu dek yeri ham yo‘qtur.

Atrofi yetti sekiz o‘n qori yakandoz jardur.