✺Baburname

Taqabbul yarmog‘ida ihmol qiladur-lar edi.

To‘rt sarkor qilib beglarga buyuruldi kim ihtimom qilib butkargaylar.

Bir sarkor Xalifag‘a ta’yin bo‘ldi, yana bir sarkor Qo‘ch Begga, yana bir sarkor Do‘st Nosirg‘a, yana bir sarkor Sayyid Qosim bila Muhibb Alig‘a.

Chun Turk olturushluq viloyatlarni o‘zimizning tasavvur qilib eduk, ul jihattin tolon va toroj bo‘lmadi.

Hamisha elning so‘zi bu edi kim agar musolaha jihatidin elchi borsa Turkka ta’alluq viloyatlarg‘a muzoyaqa qilma-g‘ularidur.

Panjshanba kuni Rabi’ulavval oyning g‘urrasida bu jihatdin Mullo Murshidni Sulton Ibrohimg‘a kim otasi Sulton Iskandar ush ul besh olti oyda o‘lub Hind saltanati munga tegib edi, elchilikka ta’yin qilib bir qarchig‘oy yiborib qadimiy Turk ta’alluq viloyat-larni tiladuk.

Davlat Xong‘a yiborilgan xatlarni va Sulton Ibrohimg‘a bitilgan xatlar-ni topshurub og‘iz so‘zlarini dog‘i aytib Mullo Murshidg‘a ruxsat berildi.

Bu Hinduston eli alalxusus afg‘onlar ajab hush-u xiraddin yiroq va roy-u tadbirdin qiroq ellar bo‘lur emish.

Na yog‘iliq yurush va turushin qila oldilar, na do‘stluq roh-u ravishin bila oldilar.