✺Baburname

Ilgari borg‘onlardin Mir Muhammad Mahdiy Xoja bir kishi kelturdi.

Bu asnoda afg‘onlar-ning ulug‘laridin bir nechasi peshkash bila kelib mulozamat qildi.

Langar Xong‘a qo‘shub istimolat jihatidin Bihra eliga yiborildi.

Ko‘taldin oshib changaldin chiqib barang‘or javong‘or, g‘ul yasol bila Bihra sori mutavajjih bo‘lduq.

Bihrag‘a yovuq yetgan mahallda Davlat Xon Yusuf Xaylning o‘g‘li Ali Xonning navkarlardin Deva Hindu yana Siktuning o‘g‘li Bihraning arboblari bila kelib biror ot peshkash qilib mulozamat qildilar.

Namozi peshin bo‘la Bihra eliga zarar-u zahmat yetkurmay Bihraning sharqida Bihra suyining yoqasida bir berzorda tushuldi.

Temur Beg Hindustong‘a kirib chiqqoli beri bu necha viloyat kim Bihra va Xushob va Chanob va Chanyut bo‘lg‘oy, Temur Begning avlodining va tavobi’ va lavohiqining tasarrufida edi.

Shohrux Mirzo ning nabirasi Suyurg‘atmish Mirzoning o‘g‘li Sulton Mas’ud Mirzoning kim Kobul va Zobul iyolat va hukumati ul fursat anga ta’alluq uchun Sulton Mas’ud Kobuliy derlar edi, tarbiyat kardalaridin Mir Ali Begning o‘g‘lonlari Bobo Kobuliy va Daryo Xon va Apoq Xon kim so‘ngra G‘oziy Xon derlar edi, Sulton Mas’ud Mirzo va o‘g‘li Ali Asg‘ar Mirzo-din so‘ng mutag‘alliblik bila Kobul va Zobul va bu mazkur bo‘lg‘on Hindustondag‘i viloyat va parganalarg‘a mutasarrif bo‘lub edilar.