✺Baburname

Sayyid Qosim Eshik Og‘o chag‘dovul edi.

Keyindin o‘rdu keyincha keladurgan Gujurlarni tutub bir necha bosh kesib kelturdi.

Sangdokidin sahar ko‘chub kech namoz-i peshin Suhon suyini o‘tub tushuldi.

O‘rduning keyini tun yorimig‘acha kela qoldi.

Muhkam uzoq ko‘ch edi.

Otning be-majollig‘i va orug‘lug‘i mahalli edi.

Bisyor zo‘r bo‘ldi.

Xeyli ot qoldi.

Bihradin yeti kuro‘h shimol sori bir tog‘ tushubtur.

Bu tog‘ni Zafarnomada va ba’zi kitoblarda Ko‘h-i Jud bitibturlar.

Vajh-i tasmiyasi ma’lum emas edi.

So‘ngralar ma’lum bo‘ldi.

Bu tog‘da bir ota naslidin iki xayl el bor; birini Jud derlar, birini Janjuha.

Bu tog‘dag‘i va Nilob bila Bihra orasidag‘i el-u ulusqa bular qadim-din hokim-u farmonravo bo‘la kelgandurlar, vali yorona-vu barodarona hukumat qila.

Xotirlari ne tilasa ola olmas; bir kesim yosunluq qadimdin har nima kim muqarrar qilibturlar, bularning olishi va ularning berishi bu muqarraridin ortuq va o‘ksuk bo‘lmas.

Muqarrarlari budur kim qo‘sh boshidin bir shohruhiy berurlar.

Kadxudoliqda yeti shohruhiy berurlar.

Cheriklarig‘a ham borurlar.

Jud ham necha shu’ba bo‘luptur, Janjuha ham.

Bu tog‘ kim Bihraning yeti kuro‘hida voqi’ bo‘luptur, Kashmir tog‘laridin kim Hindukush tog‘i ushbu Tog‘lar birla payvasta tog‘lardur, ayrilib g‘arb janub sori tortib borib Dinkutning ayog‘ida Sind daryosig‘a muntahi bo‘lubtur.